రౌడీ స్టార్ విజయ్ దేవరకొండ నటిస్తున్న మోస్ట్ అవైటెడ్ పీరియాడిక్ యాక్షన్ థ్రిల్లర్ ‘రణబాలి’పై ఇప్పటికే భారీ అంచనాలు నెలకొన్నాయి.‘శ్యామ్ సింగ రాయ్’ ఫేమ్ రాహుల్ సాంకృత్యాన్ దర్శకత్వం వహిస్తున్న ఈ చిత్రానికి సంబంధించిన ప్రతి అప్డేట్ ప్రేక్షకుల్లో ఆసక్తిని పెంచుతోంది.
ఇప్పటికే ‘రణబాలి’ Ranabali టీజర్ను సెప్టెంబర్ 9న విడుదల చేయనున్నట్లు మేకర్స్ ప్రకటించిన విషయం తెలిసిందే. తాజాగా ఈ టీజర్ రిలీజ్ టైమ్ను కూడా అధికారికంగా వెల్లడించారు. సెప్టెంబర్ 9న సాయంత్రం 4:05 గంటలకు ‘రణబాలి’ టీజర్ ప్రేక్షకుల ముందుకు రానుంది.
టీజర్కు సంబంధించిన అప్డేట్ను మేకర్స్ ఓ ఇంట్రెస్టింగ్ పోస్టర్ ద్వారా ప్రకటించారు. రాక్షసుడిలా కనిపించే ఓ వ్యక్తి ప్రతిజ్ఞ చేస్తే ఆ తర్వాత ఎలాంటి విధ్వంసం చోటుచేసుకుంటుందనే అంశాన్ని టీజర్లో చూపించనున్నట్లు తెలుస్తోంది. ‘సావేజ్ ఓత్’ అంటూ వచ్చిన ఈ అప్డేట్ సినిమాపై ఉన్న అంచనాలను మరింత పెంచేసింది.
మాస్, యాక్షన్ అంశాలకు ప్రాధాన్యతనిస్తూ భారీ స్థాయిలో తెరకెక్కుతున్న ఈ చిత్రంలో విజయ్ దేవరకొండకు జోడీగా రష్మిక మందన్న హీరోయిన్గా నటిస్తోంది. అజయ్–అతుల్ సంగీతం అందిస్తున్నారు. మరి ‘రణబాలి’ టీజర్లో విజయ్ ఎలాంటి ర్యాంపేజ్ చూపించబోతున్నాడో చూడాలంటే సెప్టెంబర్ 9 సాయంత్రం వరకు వేచి చూడాల్సిందే.
