ఆనంద్ దేవరకొండ, వైష్ణవి చైతన్య జంటగా నటించిన Epic ‘ఎపిక్ – ఫస్ట్ సెమిస్టర్’ విడుదలకు సిద్ధమవుతోంది. ఆదిత్య హాసన్ దర్శకత్వంలో తెరకెక్కిన ఈ రొమాంటిక్ డ్రామా సెప్టెంబర్ 11న ప్రేక్షకుల ముందుకు రానుంది. ఇప్పటికే విడుదలైన ప్రమోషనల్ కంటెంట్ సినిమాపై ఆసక్తిని పెంచగా.. తాజాగా ఈ మూవీ ప్రీ-రిలీజ్ ఈవెంట్కు సంబంధించిన ఓ ఆసక్తికరమైన వార్త వైరల్ అవుతోంది.
సెప్టెంబర్ 8న విజయవాడలో జరగనున్న ‘ఎపిక్’ ప్రీ-రిలీజ్ ఈవెంట్కు రౌడీ స్టార్ విజయ్ దేవరకొండ ముఖ్య అతిథిగా హాజరయ్యే అవకాశం ఉందని సమాచారం. అయితే దీనిపై మేకర్స్ నుంచి ఇంకా అధికారిక ప్రకటన రావాల్సి ఉంది. త్వరలోనే విజయ్ రాకపై క్లారిటీ వచ్చే అవకాశం ఉందని తెలుస్తోంది.
ఇటీవల జరిగిన ట్రైలర్ లాంచ్ కార్యక్రమంలో రష్మిక మందన్న తన మరిదికి మద్దతుగా నిలిచిన విషయం తెలిసిందే. ఇప్పుడు విజయ్ దేవరకొండ కూడా ప్రీ-రిలీజ్ ఈవెంట్కు హాజరైతే.. సినిమాకు మరింత హైప్ వచ్చే అవకాశం ఉందని అభిమానులు, సినీ వర్గాలు భావిస్తున్నాయి.
నాగవంశీ, సాయి సౌజన్య నిర్మిస్తున్న ఈ చిత్రానికి హేశమ్ అబ్దుల్ వహాబ్ సంగీతం అందిస్తున్నారు. యూత్ను టార్గెట్ చేసే కథాంశంతో తెరకెక్కిన ‘ఎపిక్ – ఫస్ట్ సెమిస్టర్’పై ఇప్పటికే మంచి అంచనాలు ఉన్నాయి. మరి విజయ్ దేవరకొండ ఈ వేడుకకు వస్తారా? అనేది అధికారిక ప్రకటన వచ్చే వరకు ఆసక్తికరంగా మారింది.
