‘బేబీ’ సినిమాతో మంచి గుర్తింపు తెచ్చుకున్న వైష్ణవి చైతన్య, ఇప్పుడు తన తదుపరి చిత్రం ‘ఎపిక్’తో Epic ప్రేక్షకుల ముందుకు రాబోతోంది. ఈ సినిమాలోనూ ఆమె మరో బోల్డ్, డిఫరెంట్ పాత్రలో కనిపించనున్నట్లు తెలుస్తోంది. ఆనంద్ దేవరకొండ హీరోగా నటిస్తున్న ఈ చిత్రానికి ఆదిత్య హాసన్ దర్శకత్వం వహించారు. ఈ సినిమా ఈ నెల 11న థియేటర్లలో విడుదల కానుంది.
ప్రేమ, శృంగారం, పీరియడ్స్ వంటి సున్నితమైన అంశాల చుట్టూ కథ సాగడంతో ‘ఎపిక్’పై ఇప్పటికే ఆసక్తి నెలకొంది. ముఖ్యంగా వైష్ణవి చైతన్య పోషించిన పాత్ర ప్రేక్షకులకు ఏ మేరకు కనెక్ట్ అవుతుందనే విషయంలో చిత్ర దర్శకుడు కొంత టెన్షన్లో ఉన్నట్లు తెలుస్తోంది.
అయితే నిర్మాత నాగవంశీ మాత్రం వైష్ణవి విషయంలో పూర్తి కాన్ఫిడెంట్గా ఉన్నారు. ‘ఎపిక్’లో ఆమె చేసిన పాత్రకు మంచి స్పందన రావడంతో పాటు, ఈ సినిమా ద్వారా వైష్ణవి చైతన్యకు మరింత మంచి పేరు వస్తుందని ఆయన ధీమా వ్యక్తం చేస్తున్నారు.
‘బేబీ’ తర్వాత వైష్ణవి మరోసారి బోల్డ్ కంటెంట్తో కూడిన పాత్రను ఎంచుకోవడం ఆసక్తికరంగా మారింది. మరి ‘ఎపిక్’లో ఆమె నటన ప్రేక్షకులను ఎంతవరకు మెప్పిస్తుంది? ఈ సినిమా ఆమె కెరీర్లో మరో కీలక చిత్రంగా నిలుస్తుందా? అనేది తెలియాలంటే విడుదల వరకు వేచి చూడాల్సిందే.
