అక్కినేని నాగచైతన్య, దర్శకుడు కార్తీక్ దండు కాంబినేషన్లో తెరకెక్కుతున్న మైథలాజికల్ యాక్షన్ అడ్వెంచర్ మూవీ ‘వృషకర్మ’ vrushakarma. ఈ సినిమాపై ఇప్పటికే మంచి అంచనాలు నెలకొన్నాయి. తాజాగా చిత్రబృందం రిలీజ్ డేట్కు సంబంధించి కీలక అప్డేట్ ఇచ్చేందుకు సిద్ధమైంది.
నాగచైతన్య, మీనాక్షి చౌదరి, నిర్మాత బీవీఎస్ఎన్ ప్రసాద్ కలిసి కనిపించిన ఓ సరదా వీడియోను మేకర్స్ విడుదల చేశారు. ఈ వీడియో ద్వారా రేపు, సెప్టెంబర్ 10న సాయంత్రం ‘వృషకర్మ’ విడుదల తేదీని అధికారికంగా ప్రకటించనున్నట్లు వెల్లడించారు.
కాగా, ‘వృషకర్మ’ను డిసెంబర్ 3న ప్రేక్షకుల ముందుకు తీసుకురావాలని మేకర్స్ ప్లాన్ చేస్తున్నట్లు సమాచారం. ముందుగా అదే తేదీన ప్రభాస్ నటించిన ‘ఫౌజీ’ విడుదల కావాల్సి ఉందని వార్తలు వచ్చాయి. అయితే పోస్ట్ ప్రొడక్షన్ పనులు ఆలస్యం కావడంతో ‘ఫౌజీ’ వాయిదా పడే అవకాశం ఉందని ప్రచారం జరుగుతోంది.
ఈ నేపథ్యంలో డిసెంబర్ 3న ‘వృషకర్మ’ను విడుదల చేసే అవకాశాలు ఉన్నట్లు తెలుస్తోంది. అయితే దీనిపై పూర్తి క్లారిటీ రావాలంటే చిత్రబృందం అధికారిక ప్రకటన కోసం ఎదురుచూడాల్సిందే. సెప్టెంబర్ 10 సాయంత్రం మేకర్స్ ప్రకటించే రిలీజ్ డేట్తో ఈ సినిమాకు సంబంధించిన సందిగ్ధతకు తెరపడనుంది.