ఐకాన్ స్టార్ అల్లు అర్జున్, స్టార్ డైరెక్టర్ అట్లీ కాంబినేషన్లో తెరకెక్కుతున్న క్రేజీ ప్రాజెక్ట్ ‘రాకా’ పై Raaka ఇప్పటికే భారీ అంచనాలు నెలకొన్నాయి. ముఖ్యంగా ఈ సినిమాలో బన్నీ ఎంట్రీ ఎలా ఉండబోతుందనే ఆసక్తి అభిమానుల్లో రోజురోజుకూ పెరుగుతోంది. ఈ క్రమంలో తాజాగా అల్లు అర్జున్ ఇంట్రడక్షన్ సీన్కు సంబంధించి ఓ ఆసక్తికరమైన వార్త సోషల్ మీడియాలో వైరల్ అవుతోంది.
టాక్ ప్రకారం.. భారీ యాక్షన్ సీక్వెన్స్తో ‘రాకా’ ఓపెన్ కానుందట. ఓ భారీ మార్కెట్లో చోటుచేసుకునే అలజడి, అక్కడి పరిస్థితులను ఒక్కసారిగా ఉద్రిక్తంగా మార్చేలా సన్నివేశాలను డిజైన్ చేసినట్లు తెలుస్తోంది. విలన్స్ ఒక్కసారిగా దాడికి దిగే సమయంలో.. సీన్లో అల్లు అర్జున్ పాత్ర పేరు వినిపించేలా ఓ పవర్ఫుల్ బిల్డ్అప్ ఇస్తారట.
బన్నీ పేరు వినగానే విలన్స్లో భయం మొదలయ్యేలా, ఆ తర్వాత ఆయన ఎంట్రీని మాస్ ఎలివేషన్తో చూపించేలా ఈ సీన్ను ప్లాన్ చేసినట్లు టాక్. ఈ ఇంట్రడక్షన్ సీన్ సినిమాకే హైలైట్గా నిలిచే అవకాశం ఉందని ఫ్యాన్స్ భావిస్తున్నారు.
ఇక ‘రాకా’లో యాక్షన్కు ప్రత్యేక ప్రాధాన్యత ఉంటుందని తెలుస్తోంది. ఈ చిత్రంలో దీపికా పడుకోణె హీరోయిన్గా నటిస్తుండగా, మృణాల్ ఠాకూర్, జాన్వీ కపూర్ కూడా కీలక పాత్రల్లో కనిపించనున్నట్లు సమాచారం.
మాఫియా బ్యాక్డ్రాప్లో ఓ డాన్ చుట్టూ తిరిగే కథతో ఈ సినిమా తెరకెక్కుతున్నట్లు టాక్ వినిపిస్తోంది. భారీ బడ్జెట్తో రూపొందుతున్న ఈ ప్రాజెక్ట్ను సన్ పిక్చర్స్ నిర్మిస్తోంది. అంతర్జాతీయ స్థాయి టెక్నీషియన్లు ఈ సినిమా కోసం పనిచేస్తుండటంతో.. అట్లీ–బన్నీ కాంబినేషన్ ఎలాంటి విజువల్ ట్రీట్ ఇవ్వబోతుందోననే ఆసక్తి మరింత పెరిగింది.
