న్యాచురల్ స్టార్ నాని అభిమానులు ఎంతో ఆసక్తిగా ఎదురుచూస్తున్న ‘ది ప్యారడైజ్’ (The Paradise) టీజర్ ఎట్టకేలకు విడుదలైంది. దర్శకుడు శ్రీకాంత్ ఓదెల తెరకెక్కిస్తున్న ఈ చిత్రానికి సంబంధించిన ప్రపంచాన్ని టీజర్లో ఎంతో ఇంటెన్స్గా ఆవిష్కరించారు. మేకర్స్ ముందే చెప్పినట్లుగా టీజర్ మొత్తం రక్తపాతంతో నిండిన హై-వోల్టేజ్ యాక్షన్ విజువల్స్తో ఆకట్టుకుంటోంది.
ఈ చిత్రంలో ‘జడల్’ పాత్రలో నాని ఇప్పటివరకు కనిపించని మాస్ అవతార్లో మెప్పించనున్నాడు. తన జాతి కోసం ప్రాణాలకైనా తెగించే యోధుడిగా ఆయన పాత్రను టీజర్లో పవర్ఫుల్గా చూపించారు. నాని లుక్, బాడీ లాంగ్వేజ్, యాక్షన్ సీక్వెన్స్లు సినిమాపై అంచనాలను మరింత పెంచేశాయి.
ఇక కలెక్షన్ కింగ్ మోహన్ బాబు, బాలీవుడ్ నటుడు రాఘవ్ జుయల్ కీలక పాత్రల్లో కనిపించగా, వారి స్క్రీన్ ప్రెజెన్స్ కూడా ప్రత్యేక ఆకర్షణగా నిలిచింది. ముఖ్యంగా నాని చెప్పిన డైలాగులు అభిమానులకు గూస్బంప్స్ తెప్పించేలా ఉన్నాయి.
టీజర్ చివర్లో మనుషులను సింహాసనంలా మార్చుకుని నాని కూర్చునే సన్నివేశం హైలైట్గా నిలిచింది. ఆ విజువల్ సోషల్ మీడియాలో ఇప్పటికే వైరల్ అవుతోంది. అనిరుధ్ రవిచందర్ అందించిన థండరింగ్ బ్యాక్గ్రౌండ్ స్కోర్ టీజర్ను మరింత ఎలివేట్ చేసింది.
మొత్తంగా చూస్తే, ‘ది ప్యారడైజ్’ టీజర్ సినిమాపై ఉన్న అంచనాలను మరో స్థాయికి తీసుకెళ్లింది. ఈ చిత్రంలో కయాదు లోహర్ హీరోయిన్గా నటిస్తుండగా, సుధాకర్ చెరుకూరి ఎస్ఎల్వీ సినిమాస్ బ్యానర్పై అత్యంత భారీ స్థాయిలో నిర్మిస్తున్నారు. ప్రపంచవ్యాప్తంగా ఈ సినిమాను ఆగస్టు 24, 2026న గ్రాండ్గా విడుదల చేసేందుకు చిత్రబృందం సన్నాహాలు చేస్తోంది.
