సూపర్ స్టార్ మహేష్ బాబు హీరోగా నటిస్తున్న మోస్ట్ అవైటెడ్ ప్రాజెక్ట్ వారణాసిపై Varanasi ప్రేక్షకుల్లో భారీ అంచనాలు నెలకొన్నాయి. దర్శక దిగ్గజం ఎస్.ఎస్. రాజమౌళి తెరకెక్కిస్తున్న ఈ భారీ యాక్షన్ అడ్వెంచర్ చిత్రం ప్రస్తుతం శరవేగంగా షూటింగ్ జరుపుకుంటోంది. ఇప్పటికే ఈ సినిమాపై విడుదలైన అప్డేట్స్, విజువల్స్ సినిమాపై అంచనాలను మరింత పెంచేశాయి.
రాజమౌళితో కలిసి పనిచేయడం అంటే ప్రతి సన్నివేశాన్ని పర్ఫెక్షన్తో తెరకెక్కించడం అనే పేరుంది. చిన్న సీన్ అయినా సరే ఎంతో శ్రద్ధగా చిత్రీకరిస్తారని, నటీనటుల నుంచి అత్యుత్తమ ప్రదర్శన రాబట్టేందుకు జక్కన్న ఎంతో కష్టపడతారని ఆయనతో గతంలో పనిచేసిన హీరోలు, నటులు పలుమార్లు వెల్లడించారు. ముఖ్యంగా RRR హీరోలు కూడా రాజమౌళి వర్కింగ్ స్టైల్ గురించి ఆసక్తికర విషయాలను పంచుకున్నారు.
అయితే ఇప్పుడు మహేష్ బాబు చేసిన ఓ స్టేట్మెంట్ మాత్రం అందరి దృష్టిని ఆకర్షిస్తోంది. రాజమౌళితో కలిసి పనిచేయడం ఎలా ఉంటుందని అడిగిన సందర్భంలో మహేష్ బాబు ఊహించని విధంగా స్పందించినట్లు తెలుస్తోంది. “నిజాయితీగా చెప్పాలంటే రాజమౌళితో వర్క్ చేయడం చాలా చాలా సులభం” అంటూ మహేష్ చెప్పిన మాటలు ప్రస్తుతం సోషల్ మీడియాలో వైరల్ అవుతున్నాయి.
రాజమౌళి గురించి ఇప్పటివరకు వినిపించిన అభిప్రాయాలకు భిన్నంగా మహేష్ చేసిన ఈ వ్యాఖ్యలు అభిమానుల్లో ఆసక్తిని పెంచాయి. మహేష్ బాబు, ఇతర నటులు పాల్గొన్న ఓ పాడ్కాస్ట్లో ఈ వ్యాఖ్యలు చేసినట్లు సమాచారం. దీంతో వారణాసి షూటింగ్లో మహేష్, రాజమౌళి మధ్య వర్కింగ్ కెమిస్ట్రీ ఎలా ఉందనే దానిపై కూడా చర్చ మొదలైంది.
ఇప్పటికే వారణాసిపై భారీ అంచనాలు ఉన్న నేపథ్యంలో మహేష్ చేసిన ఈ కామెంట్స్ సినిమాపై మరింత హైప్ను పెంచుతున్నాయి. జక్కన్న దర్శకత్వంలో మహేష్ బాబు ఎలాంటి పెర్ఫార్మెన్స్ ఇస్తారో చూడాలని అభిమానులు ఆసక్తిగా ఎదురుచూస్తున్నారు.
