మెగాస్టార్ చిరంజీవి హీరోగా నటిస్తున్న భారీ చిత్రాల్లో ‘విశ్వంభర’ Vishwambhara కూడా ఒకటి. దర్శకుడు వశిష్ఠ తెరకెక్కిస్తున్న ఈ ఫాంటసీ అడ్వెంచర్పై ప్రేక్షకుల్లో భారీ అంచనాలు నెలకొన్నాయి. సినిమా ఎప్పుడు థియేటర్లలోకి వస్తుందా అని అభిమానులు ఆసక్తిగా ఎదురుచూస్తున్నారు. ఇటీవల ఈ చిత్రానికి ఓటీటీ డీల్ కూడా పూర్తయినట్లు వార్తలు రావడంతో విడుదల తేదీపై త్వరలోనే స్పష్టత వచ్చే అవకాశం ఉందనే టాక్ వినిపిస్తోంది.
ఇప్పటికే ‘విశ్వంభర’ను సంక్రాంతి బరిలో విడుదల చేసే ఆలోచనలో మేకర్స్ ఉన్నారనే ప్రచారం మొదలైంది. అయితే సంక్రాంతి సీజన్లో ఇప్పటికే పలు భారీ సినిమాలు పోటీ పడే అవకాశం ఉండటంతో విడుదల తేదీ విషయంలో మేకర్స్ ఎలాంటి నిర్ణయం తీసుకుంటారన్నది ఆసక్తికరంగా మారింది.
ఒకవేళ సంక్రాంతి రేసు నుంచి ‘విశ్వంభర’ తప్పుకుంటే, సినిమాకు మరో పండుగ సీజన్ ఆప్షన్గా ఉగాది ఉన్నట్లు ఇండస్ట్రీ వర్గాల్లో టాక్ వినిపిస్తోంది. ఉగాది కూడా తెలుగు రాష్ట్రాల్లో మంచి క్రేజ్ ఉన్న సీజన్ కావడంతో ఆ సమయంలో సినిమాను విడుదల చేయడం కలిసొచ్చే అవకాశముంది.
అయితే ఓటీటీ డీల్ పూర్తయిన నేపథ్యంలో సినిమాను వీలైనంత త్వరగా ప్రేక్షకుల ముందుకు తీసుకురావాలని సంబంధిత వర్గాలు భావిస్తున్నట్లు తెలుస్తోంది. దీంతో సంక్రాంతి లేదా ఉగాది అనే విషయంలో మేకర్స్ త్వరలోనే అధికారిక ప్రకటన చేసే అవకాశం ఉందని సినీ వర్గాల్లో చర్చ జరుగుతోంది.
ఇక ‘విశ్వంభర’కు ఎం.ఎం. కీరవాణి, గౌర హరి సంగీతం అందిస్తున్నారు. యూవీ క్రియేషన్స్ భారీ స్థాయిలో ఈ చిత్రాన్ని నిర్మిస్తోంది. చిరంజీవిని సరికొత్త ఫాంటసీ ప్రపంచంలో చూపించనున్న ఈ సినిమాపై అభిమానుల్లో ఇప్పటికే భారీ ఆసక్తి నెలకొంది.
