పాన్ వరల్డ్ లెవెల్లో అత్యంత అంచనాలు నెలకొన్న భారీ చిత్రం ‘రామాయణ’లో రణబీర్ కపూర్ రాముడిగా, సాయి పల్లవి సీతగా, కన్నడ రాకింగ్ స్టార్ యష్ రావణుడిగా నటిస్తున్నారు. విశేషమేమిటంటే యష్ ఈ చిత్రంలో నటుడిగా మాత్రమే కాకుండా నిర్మాతగా కూడా భాగస్వామి అయ్యారు.
ఈ నేపథ్యంలో రామాయణలో రావణ పాత్ర ఎందుకు ఎంచుకున్నారని అడిగిన ప్రశ్నకు యష్ ఇచ్చిన సమాధానం ప్రస్తుతం వైరల్గా మారింది. ఇలాంటి భారీ పౌరాణిక చిత్రాల్లో భారతీయ సినిమాకు చెందిన ప్రతి ముఖ్యమైన నటుడూ భాగస్వామి కావాల్సిన ఆవశ్యకత ఉంటుందని, తన వంతుగా తాను ఈ చిత్రంలో పాలుపంచుకున్నట్లు తెలిపారు.
అంతేకాకుండా నెగటివ్ షేడ్స్ కలిగిన డార్క్ పాత్రలు, సంక్లిష్టమైన క్యారెక్టర్లు తనకు వ్యక్తిగతంగా చాలా ఇష్టమని అందుకే రావణుని పాత్రను సంతోషంగా స్వీకరించినట్లు యష్ నిజాయితీగా చెప్పారు. యష్ నుండి ఈ తరహా స్పష్టమైన సమాధానం రావడంతో అభిమానులు మరింత ఎగ్జైట్ అవుతున్నారు.