మెగాపవర్ స్టార్ రామ్ చరణ్ హీరోగా దర్శకుడు బుచ్చిబాబు సానా తెరకెక్కిస్తున్న మల్టీ స్పోర్ట్స్ డ్రామా ‘పెద్ది’ విడుదల విషయంలో లేటెస్ట్ బజ్ వినిపిస్తోంది. సినిమా షూటింగ్ దాదాపు పూర్తికాగా, ఒక్క పాట మినహా మిగతా చిత్రీకరణ అంతా పూర్తయినట్లు మేకర్స్ తెలిపారు. విడుదల విషయంలో జూన్ అని ఖరారు చేసిన మేకర్స్ ఇప్పుడు ఖచ్చితమైన తేదీపై స్పష్టత ఇవ్వబోతున్నారు.
తాజా సమాచారం ప్రకారం ఇంకా పూర్తి కావాల్సిన పనుల రీత్యా జూన్ 4న విడుదల సాధ్యం కాదని తెలుస్తోంది. దీంతో జూన్ 25 తేదీన ‘పెద్ది’ థియేటర్లలో సందడి చేయనుందని బజ్ వినిపిస్తోంది. జూన్ 24 అర్ధరాత్రి నుండే ప్రీమియర్ షోలు కూడా జరిగే అవకాశం ఉందని తెలుస్తోంది. ఈ డేట్పై మేకర్స్ అధికారిక ప్రకటన కూడా త్వరలోనే వెలువడనుందని సమాచారం. సో పెద్ది జూన్ 25 విడుదల దాదాపు ఖరారైనట్లే అని చెప్పవచ్చు.