Posted [relativedate] at [relativetime time_format=”H:i”]
టాలీవుడ్‌లో కొత్త కొత్త ట్రెండ్‌లు మొదలు అవుతున్నాయి. సినిమా ప్రమోషన్‌ విషయంలో క్రియేటివిటీని ఎక్కువగా వాడేస్తున్నారు. ఆడియో వేడుకలు, ట్రైలర్‌ రిలీజ్‌, ఫస్ట్‌లుక్‌, టీజర్‌, ఒక్కో పాటను విడుదల చేయించడం.. ఇలా కొత్త కొత్త పద్దతిలో సినిమాను ప్రేక్షకుల వద్దకు తీసుకు వెళ్తున్నారు. ఈ నేపథ్యంలోనే అల్లు అర్జున్‌ మరో కొత్త ప్రమోషన్‌ పద్దతిని మొదలు పెట్టాడు. ప్రస్తుతం అల్లు అర్జున్‌ హీరోగా రచయిత వక్కంతం వంశీ దర్శకుడిగా పరిచయం అవుతూ తెరకెక్కిస్తున్న చిత్రం‘నా పేరు సూర్య’. ఈ చిత్రం ఏప్రిల్‌లో ప్రేక్షకుల ముందుకు రాబోతుంది. అయితే ఇప్పటి నుండే సినిమాపై ఆసక్తిని ప్రేక్షకుల్లో కలిగించేందుకు ప్రయత్నాలు చేస్తున్నారు.
అల్లు అర్జున్‌ హీరోగా తెరకెక్కుతున్న ‘నా పేరు సూర్య’ చిత్రంకు సంబంధించిన ఒక వీడియోను ఫస్ట్‌ ఇంపాక్ట్‌ అంటూ విడుదల చేశారు. తెలుగులో ఇలా ఒక సినిమాను విడుదల చేయడం ఇదే ప్రథమం అని చెప్పుకోవచ్చు. అల్లు అర్జున్‌ పాత్ర ఏంటీ? అసలు సినిమా ఎలా ఉండబోతుంది అనే విషయాలపై క్లారిటీ ఇచ్చేందుకు ఈ ఫస్ట్‌ ఇంపాక్ట్‌ వీడియోను విడుదల చేయడం జరిగింది. ఫస్ట్‌ ఇంపాక్ట్‌ అంటూ వచ్చిన బన్నీ అనుకున్నట్లుగానే నాపేరు సూర్య సినిమాపై ప్రేక్షకుల్లో మరియు సినీ వర్గాల్లో ఆసక్తిని రేకెత్తించాడు.
భారీ అంచనాలున్న ఈ సినిమాలో బన్నీ చాలా కొత్తగా కనిపించబోతున్నాడు. ఈ వీడియోతో సినిమాకు భారీ స్థాయిలో బిజినెస్‌ అయ్యే అవకాశం ఉంది. ఏప్రిల్‌లో ఈ చిత్రాన్ని విడుదల చేయబోతున్నారు. ఇప్పటికే సగానికి పైగా చిత్రీకరణ పూర్తి అయ్యింది. మార్చిలో సినిమా టీజర్‌ మరియు ట్రైలర్‌లను విడుదల చేయబోతున్నారు. బన్నీ ప్రారంభించిన ఈ కొత్త ప్రమోషన్‌ పద్దతి ఫస్ట్‌ ఇంపాక్ట్‌ అనేది సినీ వర్గాల వారి దృష్టిని ఆకర్షిస్తుంది. ఇకపై టాలీవుడ్‌లో ఫస్ట్‌ ఇంపాక్ట్‌ వీడియోలు వరుసగా వచ్చే అవకాశం ఉంది.
