ప్రపంచవ్యాప్తంగా ఆర్థిక ఒత్తిళ్లు, యుద్ధ భయాలు సినిమారంగాన్ని కుదిపేస్తున్న వేళ కూడా మహేష్ బాబు – రాజమౌళి కాంబినేషన్లో తెరకెక్కుతున్న భారీ ప్రాజెక్ట్ ‘వారణాసి’ (Varanasi) మాత్రం తన దారిలో తాను దూసుకుపోతోంది. అమెరికా–ఇరాన్ మధ్య యుద్ధ మేఘాలు, పెరుగుతున్న ఇంధన ధరలు, గ్లోబల్ రిసెషన్ వార్తలు వినిపిస్తున్నా… ఈ సినిమాపై మాత్రం వాటి ప్రభావం ఏమాత్రం కనిపించడం లేదన్నది తాజా టాక్.
చిత్రబృందానికి దగ్గర వర్గాల సమాచారం ప్రకారం, రాజమౌళి ఇప్పటికే షూటింగ్లో కీలక భాగాన్ని పూర్తి చేసినట్లు తెలుస్తోంది. ముఖ్యమైన వారణాసి షెడ్యూల్ కూడా ఎలాంటి ఆటంకం లేకుండా ముగిసిందని, ఇంకా స్వల్ప భాగమే చిత్రీకరణకు మిగిలి ఉందని సమాచారం. జూలై నాటికి మొత్తం షూట్ను ర్యాప్ చేయాలన్నదే టీమ్ టార్గెట్గా ఉన్నట్లు తెలుస్తోంది. పక్కా ప్లానింగ్, కఠినమైన షెడ్యూల్ ఫాలో కావడమే ఈ గ్లోబల్ గందరగోళం సినిమాను తాకలేకపోవడానికి కారణమని ఇండస్ట్రీ వర్గాలు అంటున్నాయి.
ప్రస్తుతం మేకర్స్ ఎలాంటి మార్పులు లేకుండా ముందుగా అనుకున్న ప్రణాళిక ప్రకారమే సాగుతున్నారు. ‘వారణాసి’ సినిమాను 2027 ఏప్రిల్ 7న విడుదల చేసేందుకు సన్నాహాలు కొనసాగుతున్నాయి. అంతర్జాతీయ పరిస్థితులు ఎలా ఉన్నా, విడుదల తేదీ మారే ఛాన్స్ లేదని టాక్. రాజమౌళి తన స్ట్రాంగ్ ప్రొడక్షన్ కంట్రోల్తో ఈ ప్రాజెక్ట్ను గడియారం లా నడిపిస్తున్నారని స్పష్టంగా కనిపిస్తోంది.