టీజర్‌ రివ్యూ : భయపెడుతున్న ‘భాగమతి’

anushka-shetty-bhagmati--mo

Posted [relativedate] at [relativetime time_format=”H:i”] 

అనుష్క ‘బాహుబలి’ చిత్రం తర్వాత భారీ క్రేజ్‌ను దక్కించుకుంది. ఆ చిత్రం తర్వాత పూర్తి స్థాయి చిత్రాన్ని ఇప్పటి వరకు కమిట్‌ కాలేదు. ‘బాహుబలి’ చేస్తున్న సమయంలోనే అనుష్క ‘పిల్లజమీందార్‌’ ఫేం అశోక్‌ దర్శకత్వంలో ‘భాగమతి’ చిత్రాన్ని కమిట్‌ అయిన విషయం తెల్సిందే. కొన్ని కారణాల వల్ల ఆ చిత్రం చాలా చాలా ఆలస్యం అయ్యింది. ఎట్టకేలకు షూటింగ్‌ పూర్తి చేసుకున్న చిత్రాన్ని విడుదలకు సిద్దం చేస్తున్నారు. వచ్చే నెలలో రిపబ్లిక్‌ డే సందర్బంగా చిత్రాన్ని విడుదల చేయబోతున్నారు. భారీ స్థాయిలో అంచనాలున్న ఈ చిత్రాన్ని ఎప్పుడెప్పుడు చూస్తామా అని ప్రేక్షకులు మరియు సినీ వర్గాల వారు ఆసక్తిగా ఎదురు చూస్తున్నారు. ఆ మద్య అనుష్క ఫస్ట్‌లుక్‌ రచ్చ రచ్చ చేసింది. అసలు ఈ చిత్రం కథ ఏంటీ? అనుష్క ఎలా కనిపించబోతుంది? అంటూ చర్చ షురూ అయ్యింది.

ఇక తాజాగా ఈ చిత్రం టీజర్‌ను విడుదల చేశారు. టీజర్‌తో సినిమా స్థాయి మరింత పెరిగింది. అలాగే ఈ చిత్రంపై ఒక క్లారిటీ వచ్చింది. ఇదో హర్రర్‌, థ్రిల్లర్‌ చిత్రంగా తేలిపోయింది. టీజర్‌లో ఇది మరో అరుంధతి అంటూ చెప్పకనే చెప్పారు. అయితే అరుంధతి చిత్రం మాదిరిగా ఇది సోషియో ఫాంటసీ కాకుండా ఒక రెగ్యులర్‌ కమర్షియల్‌ చిత్రంలా ఉంటుందని తెలుస్తోంది. అనుష్క పాత్ర సినిమా స్థాయిని పెంచుతుందని అనిపిస్తుంది. అనుష్క ఎందుకు తనను తాను శిలువ వేసుకుంటుంది, ఎందుకు ఆ బంగ్లా అలా ఉంది అనే విషయాలు ప్రస్తుతం చర్చనీయాంశం అవుతున్నాయి.

ప్రస్తుతం చిత్రానికి సంబంధించిన పోస్ట్‌ ప్రొడక్షన్‌ వర్క్‌ జరుగుతుంది. ప్రభాస్‌ సన్నిహితులు వంశీ మరియు ప్రమోద్‌లు ఈ చిత్రాన్ని నిర్మిస్తున్నారు. కనుక చిత్రం ప్రమోషన్‌లో ప్రభాస్‌ కనిపించడం ఖాయం. ఇక అనుష్క ‘భాగమతి’గా ఏ స్థాయిలో ఆకట్టుకుంటుంది అనే విషయం ప్రస్తుతం ఆసక్తికరంగా ఉంది. టీజర్‌తో సినిమాపై ఒక క్లారిటీ వచ్చినప్పటికి, ట్రైలర్‌ విడుదల అయితే ఫుల్‌ పిక్చర్‌ కనిపించనుంది. ట్రైలర్‌లో మరింత క్లారిటీ ఇచ్చే అవకాశం ఉంది. సినిమా మొత్తంగా ఎలా ఉంటుందో చూడాలి అంటే రిపబ్లిక్‌ డే వరకు ఆగాల్సిందే.