భైరవ గీత – తెలుగు, కన్నడ భాషల్లో విడుదలవుతున్న చిత్రం. కన్నడ నటుడు ధనంజయ హీరో గా నటిస్తున్న ఈ చిత్రంలో ఇర్ర మోరె హీరోయిన్ గా పరిచయం అవుతుంది. ఈ సినిమాకి సిద్ధార్థ తథోలు అనే 25 ఏళ్ళ కుర్రాడు దర్శకత్వం వహిస్తున్నాడు.అభిషేక్ పిక్చర్స్ బ్యానర్ పై అభిషేక నామా నిర్మిస్తున్న ఈ సినిమాని రాంగోపాల్ వర్మ సమర్పిస్తున్నాడు. ఈ సినిమా ట్రైలర్ తాజాగా విడుదలయ్యింది.ట్రైలర్ ని గమనిస్తే, ఈ సినిమా పూర్తిగా యథార్థ సంఘటనల ఆధారంగా, రియలిస్టిక్ గా, ప్రేమ, కామం, పగ, ప్రతీకారం, అధికారం, పోరాటం వంటి విషయాలతో, నటీనటుల అభినయాలతో ఆసక్తికరంగా ఉంది.
ఇప్పటికే ధనంజయ కన్నడలో చేసిన తగరు సినిమాతో నటుడిగా తన నటన తో ఆకట్టుకున్నాడు. ఇక ఈ సినిమాతో తెలుగు ప్రేక్షకులని తన నటనతో కట్టిపడేసేలా నటించాడు. హీరోయినిగా నటించిన ఇర్ర మోరె కూడా అందంగా కనిపిస్తూ, హీరోతో లిప్ లాక్ సన్నివేశాలతో మరో RX 100 సినిమాని గుర్తుచేసింది. చాలామటుకు RX 100 సినిమాని గుర్తుచేసేలా ఉన్న ఈ సినిమాలో, అంతకు మించిన విషయం ఉందని ట్రైలర్ ని చూస్తుంటే తెలిసిపోతుంది.
కొన్ని సన్నివేశాలని చూస్తే మాత్రం హాలీవుడ్ చిత్రం మాడ్ మాక్స్ – ఫ్యూరీ రోడ్ నుండి ఇన్ స్పైర్ అయినట్టుగా తెలుస్తుంది. రవి శంకర్ అందించిన సంగీతం ట్రైలర్ లోని ప్రతి సన్నివేశానికి గాఢత ని అందించింది. ఒకవేళ రామ్ గోపాల్ వర్మ దర్శకత్వం వహించిన ఈ సినిమా ని ఇంత ఇంటెన్స్ గా తీయలేడేమో అనిపిస్తుంది. మీరు కూడా తప్పనిసరిగా ఒక లుక్ వేయండి. మళ్ళీ మళ్ళీ చూడకుంటే మమ్మల్ని అడగండి.
