టాలీవుడ్ హీరో గోపీచంద్ ప్రధాన పాత్రలో, ఏ. హర్ష దర్శకత్వం లో తెరకెక్కిన ఫాంటసీ యాక్షన్ ఎంటర్టైనర్ భీమా. ఈ మూవీ మార్చి 8, 2024 వ తేదీన వరల్డ్ వైడ్ గా థియేటర్ల లో రిలీజ్ అయ్యింది. మంచి రివ్యూస్ ని సొంతం చేసుకున్న ఈ మూవీ బాక్సాఫీస్ వద్ద కష్టపడుతోంది. వీక్ డేస్ లో మూవీ ఆశించిన స్థాయిలో వసూళ్లని రాబట్టడం లేదు అని చెప్పాలి.
దాదాపు 12 కోట్ల రూపాయల కు పైగా బ్రేక్ ఈవెన్ టార్గెట్ తో బరిలోకి దిగిన ఈ మూవీ , 6 కోట్ల రూపాయల వరకు వసూళ్లు రాబట్టినట్లు తెలుస్తోంది. అయితే ఈ వీకెండ్ భీమా కు కొత్త మూవీ ల రిలీజ్ లతో కూడా గట్టి పోటీ ఉండే అవకాశం ఉంది. ఈ మూవీ లో ప్రియా భవాని శంకర్, మాళవిక శర్మ లేడీ లీడ్ రోల్స్ లో నటించగా, నాజర్, నరేష్, పూర్ణ, వెన్నెల కిషోర్, రఘుబాబు, ముఖేష్ తివారీ, చమ్మక్ చంద్ర తదితరులు కీలక పాత్రల్లో నటించారు. ఈ మూవీ కి రవి బస్రూర్ సంగీతం అందించారు.
