Posted [relativedate] at [relativetime time_format=”H:i”]
తెలంగాణ ఉద్యమ రోజుల నుంచి ఇప్పటిదాకా భాగ్యనగరం లో జరిగే పిచ్చాపాటీ కబుర్లలో తరచుగా వినిపించే టాపిక్ ఒకటుంది. అదే తెలంగాణ సీఎం కె. చంద్రశేఖరరావు ఆరోగ్యం. ఆయన ఆరోగ్యం అంత బాగా లేదటగా, త్వరలో కేటీఆర్ ని ముఖ్యమంత్రి చేస్తారటగా అని కొందరు అనడం మిగతా వాళ్ళు తలో అభిప్రాయం చెప్పడం సర్వసాధారణంగా జరిగిపోతోంది. ఆ విషయంలో నిజం ఎంతో తెలియకపోయినా సాగుతున్న ప్రచారంతో కొందరిలో సందేహాలు ఏర్పడ్డ మాట నిజం. అయితే ఆ సందేహాల్ని పటాపంచలు చేసాడు కెసిఆర్ మనవడు హిమాంశు రావు.
ఇటీవల ముఖ్యమంత్రి నివాసంలో కెసిఆర్ మనవడు ఓ హిమాంశు ఓ వీడియో తీసాడు. ఆ వీడియోలో కెసిఆర్ తో పాటు ఆయనకి దగ్గరగా ఉండేవారిని, ఆయన వద్ద పనిచేసేవారిని కూడా హిమాంశు పరిచయం చేసాడు. ఆ వీడియోకి స్వయంగా హిమాంశు కామెంటరీ చేస్తూ తీసాడు. పైగా కెసిఆర్ కి చెప్పి మరీ ఆ వీడియో ని యు ట్యూబ్ లో అప్ లోడ్ చేసాడు. అలా అప్ లోడ్ అయిన వీడియో చూసిన ఎవరికైనా కెసిఆర్ ఆరోగ్యం మీద వున్న సందేహాలు దూదిపింజల్లా ఎగిరిపోతాయి. ఆ వీడియోలో పాతికేళ్ల కుర్రవాడిలా చలాకీగా నడుస్తూ సరదాగా మనవడికి పంచ్ ఇవ్వబోయిన కెసిఆర్ ని అన్ని డౌట్స్ తీరిపోవడం ఖాయం.
మరిన్ని వార్తలు