‘టైగర్ నాగేశ్వరరావు’ మూవీ ప్రీ రిలీజ్ ఈవెంట్ లో రేణు దేశాయ్ మాట్లాడిన మాటలు ప్రస్తుతం బాగా వైరల్ అవుతున్నాయి. రేణు దేశాయ్ ఈ సినిమాలో ముఖ్యమైన పాత్రను పోషించింది. ఈ సందర్భంగా రేణు దేశాయ్ మాట్లాడుతూ .. “నేను మూవీ ఇండస్ట్రీకి వచ్చి దాదాపు 22 ఏళ్లు దాటింది . అయినా నాకు మాత్రం ‘బద్రీ’ ఈ మధ్యనే రిలీజ్ అయిందనే ఫీలింగ్ ఉన్నది . ఇంతకాలంగా నేను తెలుగు మూవీ లు చేయకపోయినా, మీరంతా నా పై అదే ప్రేమను కూడా చూపించారు. ఈ మూవీ లో నాకు ఛాన్స్ ఇచ్చిన దర్శక నిర్మాతలకు నేను థ్యాంక్స్ చెబుతున్నాను అని రేణు దేశాయ్ చెప్పుకొచ్చారు.
రేణు దేశాయ్, రవితేజ గురించి కూడా మాట్లాడుతూ.. ‘రవితేజగారి వంటి సీనియర్ స్టార్ తో కలిసి పనిచేయడం నాకు ఆనందంగా అనిపిస్తోంది. రవితేజ తీసుకున్న నిర్ణయం నాకు ఎంత ఇంపార్టెంట్ అనేది ఆయనకు తెలిసి ఉండదు . ఈ వేదిక ద్వారా .. పర్సనల్ గాను రవితేజ గారికి థాంక్స్ చెబుతున్నాను’ అని రేణు దేశాయ్ ఎమోషనల్ కామెంట్స్ పెట్టింది . ఇండియన్ రాబిన్ హుడ్ గా పేరుగాంచిన స్టువర్ట్‌ పురానికి చెందిన వ్యక్తి ఈ ‘టైగర్ నాగేశ్వరరావు’. ఈ మూవీ ఈ నెల 20వ తేదీన థియేటర్లలో విడుదల కానుంది. అభిషేక్ అగ‌ర్వాల్ ఆర్ట్స్ బ్యాన‌ర్‌పై అభిషేక్ అగ‌ర్వాల్ అత్యంత ప్ర‌తిష్టాత్మకంగా ఈ సినిమా ని నిర్మిస్తున్నాడు.
