మాస్ మహారాజ రవితేజ హీరోగా దర్శకుడు శివ నిర్వాణ తెరకెక్కించిన లేటెస్ట్ అవైటెడ్ మూవీ ‘ఇరుముడి’ (Irumudi). చాలా కాలం తర్వాత రవితేజ నుంచి సినిమా వస్తుండటంతో ఈ చిత్రంపై ప్రేక్షకుల్లో భారీ అంచనాలు నెలకొన్నాయి. ఇప్పటికే సినిమాకు సంబంధించిన ప్రమోషనల్ కంటెంట్ మంచి ఆసక్తిని పెంచగా, ఇప్పుడు బాక్సాఫీస్ వద్ద కూడా ‘ఇరుముడి’ జోరు కనిపిస్తోంది.
తెలుగు రాష్ట్రాల్లో ఈ సినిమాకు మంచి బుకింగ్స్ నమోదవుతున్నాయి. అదే సమయంలో యూఎస్ మార్కెట్లోనూ ‘ఇరుముడి’కు స్ట్రాంగ్ ప్రీ సేల్స్ కొనసాగుతున్నాయి. తాజాగా ఈ చిత్రం యూఎస్లో 2.5 లక్షల డాలర్ల గ్రాస్ మార్క్ను దాటినట్లు సమాచారం.
ఈ బుకింగ్స్ ట్రెండ్ చూస్తుంటే ‘ఇరుముడి’ రవితేజ కెరీర్లోనే బెస్ట్ ఓపెనింగ్స్ అందుకునే సినిమాల్లో ఒకటిగా నిలిచే అవకాశాలు కనిపిస్తున్నాయి. సినిమా విడుదల తర్వాత టాక్ ఎలా ఉంటుందో బట్టి ఈ ఓపెనింగ్స్ మరింత భారీగా మారే ఛాన్స్ ఉంది.
కాగా, ‘ఇరుముడి’ చిత్రానికి జీవీ ప్రకాష్ కుమార్ సంగీతం అందిస్తున్నారు. మైత్రి మూవీ మేకర్స్ ఈ చిత్రాన్ని నిర్మిస్తోంది. రవితేజ-శివ నిర్వాణ కాంబినేషన్పై ఇప్పటికే భారీ అంచనాలు ఉండటంతో సినిమా విడుదల కోసం అభిమానులు ఆసక్తిగా ఎదురుచూస్తున్నారు.
