నందమూరి బాలకృష్ణ, దర్శకుడు బాబీ కాంబినేషన్‌లో ఒక సినిమా రాబోతున్న సంగతి తెలిసిందే. ఆల్ రెడీ ప్రీ ప్రొడక్షన్ పనులు పూర్తి చేసుకున్న ఈ సినిమా ప్రస్తుతం షూటింగ్ లో ఉంది. ఐతే, ఈ సినిమాలో నటించే హీరోయిన్ల పై తాజాగా ఒక రూమర్ వినిపిస్తోంది. కథ ప్రకారం సినిమాలో ఇద్దరు హీరోయిన్లు ఉన్నారట. ఇప్పటికే ఒక హీరోయిన్ గా త్రిష ను ఫైనల్ చేశారని టాక్ వినిపిస్తోంది . ఇక మరో హీరోయిన్ని ఫైనల్ చేయాల్సి ఉంది. ఈ హీరోయిన్ పాత్రకు కథలో ఎక్కువ ప్రాముఖ్యత ఉంటుందని తెలుస్తుంది . ఈ పాత్రలో మీనాక్షి చౌదరిని తీసుకున్నారని ఇప్పటికే వార్తలు కూడా వినిపించాయి. కానీ ఇంకా అధికారిక ప్రకటన అయితే రాలేదు.
ఏది ఏమైనా బాలయ్య బాబు – మీనాక్షి చౌదరి – త్రిష కాంబినేషన్ అంటే అదిరిపోతుంది. ఇక ఈ మూవీ లోని యాక్షన్ విజువల్స్ వండర్ ఫుల్ గా ఉంటాయట. ముఖ్యంగా బాలయ్య గెటప్ అండ్ సెటప్ చాలా థ్రిల్లింగ్ గా ఉంటుందట. అన్నట్టు ఈ మూవీ బాలయ్య టైపు ఫక్తు యాక్షన్ డ్రామా కాదు అని.. ఇదొక ఫ్యామిలీ బ్యాక్ డ్రాప్ తో సాగే ఎమోషనల్ డ్రామా అని ఇప్పటికే వార్తలు వచ్చాయి. కాగా ఈ మూవీ లో పాలిటిక్స్ నేపథ్యంలో కూడా ఓ ఫ్లాష్ బ్యాక్ ఉంటుందట. అన్నట్టు ఈ సినిమాలో కూడా బాలయ్య డ్యూయల్ రోల్‌ లో కనిపించబోతున్నాడు. ఈ సినిమా ని సితార ఎంటర్టైన్మెంట్స్ బ్యానర్ పై ప్రొడ్యూసర్ నాగవంశీ నిర్మిస్తున్నారు.
