టాలీవుడ్ లెజెండరీ హీరో మెగాస్టార్ చిరంజీవి (Megastar Chiranjeevi) హీరోగానే కాకుండా ఒక వ్యక్తిగా కూడా కోట్లాది మంది అభిమానులని సొంతం చేసుకున్నారు. తనకి ఎంతో ప్రేమని ఫేమ్ ను అందించిన తెలుగు ప్రేక్షకులకి తన వంతుగా ఏమైనా చేయాలి అనే ఆలోచన నుంచి పుట్టిన మహత్తర కార్యాలలో తన బ్లడ్ బ్యాంకు కూడా ఒకటి.
మరి ఈ బ్లడ్ బ్యాంకు ద్వారా ఎందరో ప్రాణాలు కాపాడిన వారు అయ్యారు చిరంజీవి మరియు తన అభిమానులు. తన అభిమానులు, ఆప్తులే రక్త దాతలుగా ఇప్పటివరకు కొనసాగిన ఈ బ్లడ్ బ్యాంకులో ఇప్పటివరకు 100 సార్లు తన రక్తాన్ని దానం చేసి అరుదైన ఘనత ప్రముఖ నటుడు మహర్షి రాఘవ సొంతం చేసుకోవడం అనేది విశేషం.
మరి 1998 లో చిరంజీవి బ్లడ్ బ్యాంకు మొదలు పెడితే అప్పుడు మొట్టమొదటిగా ప్రముఖ నటులు మురళీ మోహన్ రక్తదానం చేస్తే రెండో వ్యక్తిగా మహర్షి రాఘవ మొదలు పెట్టారు. అక్కడ మొదలుకొని ఇప్పుడు వరకు 100 సార్లు రక్తదానం చేసిన మొదటి వ్యక్తిగా రికార్డు అందుకున్నాడు . దీనితో చిరంజీవి మహర్షి రాఘవకు ప్రత్యేకంగా సత్కారం చేశారు. దీనితో ఈ వీడియో విజువల్స్ ఇప్పుడు వైరల్ గా మారాయి.
