అమర్‌నాథ్ యాత్ర కోసం తొలి బృందం ఆదివారం బయలుదేరింది. దక్షిణ కశ్మీర్‌లోని హిమాలయాల్లోని మంచు శివలింగాన్ని దర్శించుకోవడానికి 2,234 మంది భక్తులు జమ్ములోని బేస్ క్యాంప్ నుంచి బయలుదేరారు. ఈ మంచు శివలింగాన్ని దర్శించుకోవడానికి ఈ ఏడాది 1.5 లక్షలకుపైగా భక్తులు దరఖాస్తు చేసుకున్నారు. సీఆర్పీఎఫ్ జమ్ము రీజియన్ ఐజీ చౌహాన్ మాట్లాడుతూ భక్తులకు యాత్ర పొడవునా పటిష్ఠ భద్రతను ఏర్పాటు చేశామని తెలిపారు. యాత్రికుల భద్రతే తమ ప్రథమ ప్రాధాన్యమన్నారు.