అందరూ ఎంతో ఆసక్తిగా ఎదురుచూస్తున్న యానిమల్ సినిమా థియేట్రికల్ ట్రైలర్ విడుదలకు సంబంధించిన అప్డేట్ మాత్రం వచ్చింది. బాలీవుడ్ సూపర్ స్టార్ రణబీర్ కపూర్ మరియు రష్మిక మందన్న ప్రధాన పాత్రల్లో నటించిన ఈ సినిమా కి టాలీవుడ్ సెన్సేషన్ సందీప్ రెడ్డి వంగా దర్శకత్వం వహించారు. ఈ సినిమా డిసెంబర్ 1, 2023 న ప్రధాన భారతీయ భాషలలో థియేటర్ల లో రిలీజ్ కానుంది.
చిత్ర దర్శకుడు, సందీప్ రెడ్డి వంగా ట్రైలర్ రిలీజ్ కి సంబందించిన అప్డేట్ ను ఒక పోస్టర్ ద్వారా వెల్లడించారు. నవంబర్ 23, 2023న యానిమల్ ట్రైలర్‌ను ఆవిష్కరించనున్నట్టు అందులో తెలియచేసారు . ఈ పోస్టర్ లో రణబీర్‌తో కలిసి ఉన్నారు డైరెక్టర్ సందీప్. ఈ సినిమాపై ప్రేక్షకుల్లో, అభిమానుల్లో భారీ అంచనాలు నెలకొన్నాయి. ప్రమోషన్స్ జోరుగా సాగుతున్నాయి. అనిల్ కపూర్ మరియు బాబీ డియోల్ కీలక పాత్రల్లో నటించిన ఈ సినిమా ని టి-సిరీస్ మరియు భద్రకాళి పిక్చర్స్ పై నిర్మించడం జరిగింది.
