దర్శకుడు త్రివిక్రమ్ శ్రీనివాస్, యంగ్ టైగర్ ఎన్టీఆర్ కాంబినేషన్లో తెరకెక్కనున్న భారీ మైథలాజికల్ ప్రాజెక్ట్పై అంచనాలు రోజురోజుకూ పెరుగుతున్నాయి. ‘గాడ్ ఆఫ్ వార్’ God of War అనే వర్కింగ్ టైటిల్తో ప్రచారంలో ఉన్న ఈ సినిమా కోసం త్రివిక్రమ్ భారీ స్థాయిలో సన్నాహాలు చేస్తున్నట్లు తెలుస్తోంది. ముఖ్యంగా ఎన్టీఆర్ లుక్ విషయంలో దర్శకుడు ప్రత్యేక శ్రద్ధ తీసుకుంటున్నారట.
ఈ చిత్రంలో ఎన్టీఆర్ దేవుడి పాత్రలో కనిపించబోతున్నారని సమాచారం. ముఖ్యంగా శివుడి కుమారుడు, పార్వతి దేవి గర్వకారణమైన సుబ్రహ్మణ్య స్వామి పాత్రలో తారక్ కనిపించనున్నట్లు ప్రచారం జరుగుతోంది. దీంతో ఆయన లుక్ సాధారణంగా కాకుండా అత్యంత గ్రాండ్గా, ప్రేక్షకులు ఇంతకుముందు చూడని విధంగా ఉండేలా తీర్చిదిద్దేందుకు త్రివిక్రమ్ ప్రత్యేకంగా ఫోకస్ పెట్టినట్లు తెలుస్తోంది.
ఎన్టీఆర్ పాత్రకు సంబంధించిన లుక్పై ప్రస్తుతం వీఎఫ్ఎక్స్ టీమ్తో త్రివిక్రమ్ చర్చలు జరుపుతున్నట్లు సమాచారం. ముఖ్యంగా పాత్రలోని దైవత్వాన్ని, విజువల్ గ్రాండియర్ను తెరపై మరింత ప్రభావవంతంగా చూపించేందుకు అవసరమైన వీఎఫ్ఎక్స్ పనులపై ప్రత్యేకంగా దృష్టి సారిస్తున్నారట.
ఇక ఎన్టీఆర్కు భుజానికి గాయం కావడంతో షూటింగ్ షెడ్యూల్ వాయిదా పడిన సంగతి తెలిసిందే. ఈ విరామ సమయంలో త్రివిక్రమ్ స్క్రిప్ట్ను మరింత మెరుగుపరిచే పనిపై దృష్టి పెట్టినట్లు తెలుస్తోంది. కథ, పాత్రలతో పాటు విజువల్స్ విషయంలోనూ ఎక్కడా రాజీ పడకుండా సినిమాను రూపొందించేందుకు ఆయన కసరత్తులు చేస్తున్నారట.
తెలుగు తెరపై ఇప్పటివరకు చూడని ఓ భారీ ప్రపంచాన్ని ప్రేక్షకులకు పరిచయం చేయాలన్నదే త్రివిక్రమ్ ఆలోచనగా తెలుస్తోంది. ‘డ్రాగన్’ తర్వాత ఎన్టీఆర్ చేయనున్న సినిమా కావడం, ఆయన కెరీర్లోనే భారీ ప్రాజెక్ట్గా నిలిచే అవకాశం ఉండటంతో ఈ సినిమాపై అంచనాలు మరింత పెరిగాయి.
అంతేకాకుండా మైథలాజికల్ బ్యాక్డ్రాప్లో తెరకెక్కనున్న భారీ పాన్ ఇండియా ప్రాజెక్ట్ కావడంతో త్రివిక్రమ్ ప్రతి అంశాన్ని ఎంతో జాగ్రత్తగా ప్లాన్ చేస్తున్నట్లు సమాచారం. ముఖ్యంగా తన డ్రీమ్ ప్రాజెక్ట్గా భావిస్తున్న ఈ సినిమాను విజువల్గా ప్రేక్షకులకు ఓ కొత్త అనుభూతిని అందించేలా తెరకెక్కించేందుకు దర్శకుడు ప్రత్యేక శ్రద్ధ తీసుకుంటున్నారట.
ఈ చిత్రాన్ని హారికా అండ్ హాసిని క్రియేషన్స్, ఎన్టీఆర్ ఆర్ట్స్ బ్యానర్లపై ఎస్. రాధాకృష్ణ, నందమూరి కళ్యాణ్ రామ్ సంయుక్తంగా నిర్మిస్తున్నారు. అనిరుధ్ రవిచందర్ సంగీతం అందిస్తున్న ఈ ప్రాజెక్ట్పై సినీ అభిమానుల్లో ఇప్పటికే భారీ ఆసక్తి నెలకొంది.
