మాస్ మహారాజా రవితేజ నటించిన తాజా చిత్రం ‘ఇరుముడి’ Irumudi థియేటర్లలో మంచి జోరు చూపిస్తోంది. ఈ సినిమాకు ప్రేక్షకుల నుంచి వస్తున్న స్పందన ట్రేడ్ వర్గాలను సైతం ఆశ్చర్యపరుస్తోంది. ముఖ్యంగా నైజాం ప్రాంతంలో ‘ఇరుముడి’ బాక్సాఫీస్ వద్ద దూకుడు కొనసాగిస్తోంది.
భారీ అంచనాల మధ్య విడుదలైన ఈ సినిమా తొలి రోజు నుంచే మంచి వసూళ్లను రాబడుతోంది. నైజాం ప్రాంతంలో మొదటి రోజే సుమారు రూ.7.5 కోట్ల గ్రాస్ వసూళ్లతో ఘనంగా ఖాతా తెరిచింది. రెండో రోజు కూడా అదే స్థాయిలో కలెక్షన్లను కొనసాగిస్తూ బాక్సాఫీస్ వద్ద తన సత్తా చాటింది.
ఇక ఆదివారం కావడంతో మూడో రోజు వసూళ్లలో మరింత జోరు కనిపించింది. ఈ రోజున నైజాం ప్రాంతంలో ‘ఇరుముడి’ గ్రాస్ కలెక్షన్స్ రూ.9 కోట్ల మార్క్ను దాటినట్లు ట్రేడ్ వర్గాల సమాచారం. దీంతో మూడు రోజుల్లోనే ఈ చిత్రం నైజాంలో సుమారు రూ.24 కోట్ల గ్రాస్ వసూళ్లను నమోదు చేసింది.
అదే సమయంలో మూడు రోజుల నైజాం షేర్ రూ.13 కోట్లకు పైగా నమోదైనట్లు తెలుస్తోంది. పాజిటివ్ టాక్తో పాటు ప్రేక్షకుల నుంచి లభిస్తున్న ఆదరణ సినిమాకు కలెక్షన్ల పరంగా మరింతగా కలిసొస్తోంది. వీకెండ్ తర్వాత కూడా ఇదే జోరు కొనసాగితే ‘ఇరుముడి’ నైజాంలో మరిన్ని రికార్డులు నమోదు చేసే అవకాశం ఉందని ట్రేడ్ వర్గాలు అంచనా వేస్తున్నాయి.
మొత్తానికి రవితేజ మరోసారి తన మాస్ ఇమేజ్కు తగ్గట్టుగా బాక్సాఫీస్ వద్ద జోరు చూపిస్తూ ‘ఇరుముడి’తో నైజాంలో దుమ్మురేపుతున్నాడు.
