విక్టరీ వెంకటేష్ హీరోగా మాటల మాంత్రికుడు త్రివిక్రమ్ శ్రీనివాస్ తెరకెక్కిస్తున్న ఫ్యామిలీ ఎంటర్టైనర్ ‘ఆదర్శ కుటుంబం’ అనౌన్స్మెంట్ నుండే మంచి బజ్ సొంతం చేసుకుంది. అనిమల్ ఫేమ్ సంగీత దర్శకుడు హర్షవర్ధన్ రామేశ్వర్ ఈ చిత్రానికి మ్యూజిక్ అందిస్తున్నాడని అనౌన్స్ అయినప్పుడు అభిమానులు ఎంతో ఎగ్జైట్ అయ్యారు.
అయితే తాజాగా ఒక షాకింగ్ ట్విస్ట్ వెలువడింది. హర్షవర్ధన్ రామేశ్వర్ ఈ ప్రాజెక్ట్ నుండి తప్పుకున్నట్లు తెలుస్తోంది. ఆయన స్థానంలో త్రివిక్రమ్తో సాలిడ్ ట్రాక్ రికార్డు కలిగిన థమన్ ఈ చిత్రానికి సంగీతం అందించనున్నట్లు సమాచారం. త్రివిక్రమ్ — థమన్ కాంబినేషన్ గతంలో పలు హిట్ సాంగ్స్ అందించిన నేపథ్యంలో ఈ క్రేజీ కాంబినేషన్ మళ్ళీ ఒకచోటికి రావడం అభిమానులను ఎగ్జైట్ చేస్తోంది. ప్రస్తుతం మ్యూజికల్ సిట్టింగ్స్ కూడా మొదలైనట్లు టాక్ వినిపిస్తోంది. అయితే దీనిపై అధికారిక ప్రకటన మాత్రం ఇంకా రావాల్సి ఉంది.