మెగాపవర్ స్టార్ రామ్ చరణ్ హీరోగా, జాన్వీ కపూర్ హీరోయిన్గా దర్శకుడు బుచ్చిబాబు సానా తెరకెక్కిస్తున్న అవైటెడ్ చిత్రం ‘పెద్ది’ పై అంచనాలు అమితంగా నెలకొన్నాయి. అయితే సినిమా పూర్తి కావడానికి ఇంకా ఒక్క సాంగ్ మాత్రమే మిగిలి ఉంది. కానీ ఆ ఒక్క సాంగ్ చుట్టూ కొనసాగుతున్న సస్పెన్స్ మాత్రం సినిమా కంటే ఎక్కువ రచ్చగా మారింది.
ఆ సాంగ్లో నటించే హీరోయిన్ పేరు ఒకోకటిగా మారుతూ వస్తోంది. తాజా సమాచారం ప్రకారం ఆ పాత్రకు బ్యూటీ శృతి హాసన్ ఫైనల్ అయినట్లు తెలుస్తోంది. అంతేకాకుండా ఈ సాంగ్ షూటింగ్ మరింత ఆలస్యమవుతున్నట్లు కూడా టాక్ వినిపిస్తోంది. ఒక్క సాంగ్ పరంగా ఇంత డ్రామా జరగడం చిత్ర పరిశ్రమలోనే అరుదైన విషయం అని చెప్పాలి.
ఏఆర్ రెహమాన్ సంగీతం మరియు వృద్ధి సినిమాస్ నిర్మాణంలో రూపొందుతున్న ఈ చిత్రం విడుదలకు సిద్ధమవుతున్న తరుణంలో ఆ ఒక్క సాంగ్ ఎప్పుడు పూర్తవుతుందో అన్న ఆసక్తి అభిమానుల్లో మరింత పెరుగుతోంది.