మాస్ మహారాజా రవితేజ, శివ నిర్వాణ కాంబినేషన్లో తెరకెక్కిన మోస్ట్ అవైటెడ్ చిత్రం ‘ఇరుముడి’ (Irumudi) ఈ వారం ప్రేక్షకుల ముందుకు రానుంది. తెలుగు రాష్ట్రాలతో పాటు ఓవర్సీస్ మార్కెట్లోనూ ఈ సినిమాపై మంచి హైప్ నెలకొంది. ముఖ్యంగా నార్త్ అమెరికాలో ఈ చిత్రానికి ప్రీ-సేల్స్ నుంచి అద్భుతమైన స్పందన లభిస్తోంది.
ప్రీమియర్స్కు ఇంకా సమయం ఉండగానే నార్త్ అమెరికా ప్రీ-సేల్స్ 50,000 డాలర్ల మార్క్ను దాటాయి. దీంతో సినిమా ఓపెనింగ్స్పై అంచనాలు మరింత పెరిగాయి. ఈ చిత్రాన్ని ఓవర్సీస్లో ప్రముఖ డిస్ట్రిబ్యూషన్ సంస్థ ప్రత్యంగిరా సినిమాస్ ప్రతిష్టాత్మకంగా విడుదల చేస్తోంది. రవితేజ, ప్రియా భవానీ శంకర్ జోడీగా నటించిన ఈ సినిమాపై అనౌన్స్మెంట్ నుంచే ప్రేక్షకుల్లో ఆసక్తి నెలకొంది.
యాక్షన్, ఎమోషన్కు ప్రాధాన్యతనిస్తూ తెరకెక్కిన ఈ చిత్రం ఆగస్టు 20న ఓవర్సీస్లో గ్రాండ్ ప్రీమియర్స్తో సందడి చేయనుంది. ఇప్పటికే విడుదలైన టీజర్, ట్రైలర్లో రవితేజ చూపించిన మాస్ యాక్షన్ అవతార్ అభిమానులను ఆకట్టుకుంది. దీంతో థియేటర్లలో ఈ సినిమాకు ఎలాంటి రెస్పాన్స్ వస్తుందనే ఆసక్తి నెలకొంది.
మైత్రీ మూవీ మేకర్స్ నిర్మిస్తున్న ఈ చిత్రానికి జి.వి. ప్రకాష్ కుమార్ సంగీతం అందించారు. సినిమాలోని పాటలు ఇప్పటికే ప్రేక్షకుల్లో మంచి క్రేజ్ తెచ్చుకున్నాయి. ముఖ్యంగా నార్త్ అమెరికాలో ప్రీ-సేల్స్ జోరు చూస్తుంటే ‘ఇరుముడి’కి ఫస్ట్ డే నుంచే బలమైన ఓపెనింగ్స్ వచ్చే అవకాశాలు కనిపిస్తున్నాయి. ఈ సినిమా రవితేజ కెరీర్లో మరో ప్రత్యేకమైన విజయంగా నిలుస్తుందా అనేది చూడాలి.
