మెగా అభిమానులు ఎంతో ఆసక్తిగా ఎదురుచూస్తున్న పెద్ది సినిమాను జూన్ 25న విడుదల చేయనున్నట్లు దర్శకుడు బుచ్చిబాబు సానా తాజాగా ప్రకటించారు. అయితే ఇదే తేదీకి అఖిల్ హీరోగా నటిస్తున్న లెనిన్ కూడా ఇప్పటికే లాక్ అయి ఉండటం ఇప్పుడు ఆసక్తికర చర్చకు దారి తీసింది.
నిజానికి ‘లెనిన్’ సినిమాను ముందుగా మే 1న రిలీజ్ చేయాలనుకున్నారు. కానీ అప్పట్లో ‘పెద్ది’ కోసం ఆ డేట్ను వాయిదా వేసినట్టు టాక్. ఇప్పుడు మళ్లీ అదే జూన్ 25న ‘పెద్ది’ థియేటర్లకు రాబోతుండటంతో, మరోసారి అఖిల్ అక్కినేని తన సినిమాను వెనక్కి నెట్టాల్సిన పరిస్థితి ఏర్పడుతుందా? అన్న ప్రశ్న మెదులుతోంది.
ఇక ‘లెనిన్’ విషయానికి వస్తే, ఈ సినిమాను దర్శకుడు మురళీ కిషోర్ అబ్బూరి తెరకెక్కిస్తున్నారు. రాయలసీమ బ్యాక్డ్రాప్లో, ముఖ్యంగా చిత్తూరు ప్రాంతం నేపథ్యంగా ఈ కథ సాగనుంది. అఖిల్ సరసన భాగ్యశ్రీ బోర్సే హీరోయిన్గా నటిస్తుండగా, వీరిద్దరి మధ్య లవ్ ట్రాక్ సినిమాకే హైలైట్గా నిలుస్తుందని సమాచారం.
ఈ సినిమాపై అఖిల్ భారీ ఆశలే పెట్టుకున్నాడట. అవుట్పుట్ చాలా బాగా వస్తోందని టీమ్ కాన్ఫిడెంట్గా చెబుతోంది. ఈసారి అయినా ‘లెనిన్’ అఖిల్కు సాలిడ్ హిట్ అందిస్తుందా? లేదా రిలీజ్ డేట్ విషయంలో మరోసారి త్యాగం చేయాల్సి వస్తుందా? అన్నది చూడాలి. ఒకటి మాత్రం క్లియర్.. ఈ సినిమాపై హైప్ మాత్రం రోజు రోజుకీ పెరుగుతూనే ఉంది