మాస్ మహారాజా రవితేజ కథానాయకుడిగా, దర్శకుడు శివ నిర్వాణ దర్శకత్వంలో తెరకెక్కుతున్న తాజా చిత్రం ఇరుముడి పై ఆసక్తికరమైన బజ్ వినిపిస్తోంది. ఈ సినిమాలో రవితేజ సరసన ప్రియా భవానీ శంకర్ హీరోయిన్గా నటిస్తోంది.
తాజా సమాచారం ప్రకారం, ఈ చిత్రంలో రవితేజ పాత్ర చాలా ఇంట్రెస్టింగ్గా ఉండటమే కాకుండా, ముఖ్యంగా క్లైమాక్స్ సీన్స్లో ఆయన లుక్ అభిమానులను ఖచ్చితంగా సర్ప్రైజ్ చేయబోతోందట. కమర్షియల్ ఎలిమెంట్స్ను దృష్టిలో పెట్టుకుని, శివ నిర్వాణ రవితేజ పాత్రను ప్రత్యేకంగా డిజైన్ చేశారని టాక్ వినిపిస్తోంది.
ఇక ఈ సినిమాపై రవితేజ మాట్లాడుతూ.. “కొన్ని కథలు జీవితంలో సరైన సమయంలో మనల్ని ఎంచుకుంటాయి. అలాంటి ఒక కథే ఇరుముడి. ఈ ప్రయాణంలో భాగం కావడం అదృష్టంగా భావిస్తున్నాను. ఈ కొత్త జర్నీపై చాలా ఉత్సాహంగా ఉన్నాను” అని ఇటీవల తెలిపారు.
ఈ చిత్రాన్ని మైత్రీ మూవీ మేకర్స్ నిర్మిస్తుండగా, సంగీతాన్ని జీవీ ప్రకాశ్ కుమార్ అందిస్తున్నారు. మరో విశేషం ఏమిటంటే, ఈ సినిమాలో బేబీ నక్షత్ర రవితేజ కుమార్తె పాత్రలో కనిపించనుంది.
మొత్తానికి, కథతో పాటు క్యారెక్టర్ డిజైన్, క్లైమాక్స్ లుక్తో ఇరుముడిలో రవితేజ మరోసారి కొత్త షేడ్లో కనిపించబోతున్నాడన్న మాట