నందమూరి నటసింహం నందమూరి బాలకృష్ణ మరియు దర్శకుడు కొరటాల శివ కాంబినేషన్లో ఓ క్రేజీ ప్రాజెక్ట్ రాబోతుందనే టాక్ ఇండస్ట్రీలో బలంగా వినిపిస్తోంది. ఈ సినిమాలో బాలయ్య సరికొత్త మేకోవర్లో కనిపించబోతున్నారన్న వార్తతో అభిమానుల్లో అంచనాలు ఒక్కసారిగా పెరిగాయి. మే నెలలో ఈ ప్రాజెక్ట్పై అధికారిక ప్రకటన వచ్చే అవకాశముందని సమాచారం.
ఈలోపే సినిమాకు సంబంధించిన ఓ ఆసక్తికరమైన అప్డేట్ వైరల్ అవుతోంది. తాజా సమాచారం ప్రకారం, ఈ చిత్ర సెకండ్ హాఫ్లో కొరటాల శివ పవర్ఫుల్ యాక్షన్ ఫ్లాష్బ్యాక్ను డిజైన్ చేశారట. ఈ ఫ్లాష్బ్యాక్లో భారీ మాస్ సీక్వెన్సులు మాత్రమే కాదు, బాలయ్య పాత్ర చుట్టూ తిరిగే బలమైన డ్రామాను కూడా ప్లాన్ చేసినట్టు తెలుస్తోంది.
మరింత ఆసక్తికరమైన విషయం ఏంటంటే, ఈ ఫ్లాష్బ్యాక్లో బాలయ్య పాత్ర మాఫియా బ్యాక్డ్రాప్తో ఉంటుందట. మొత్తంగా ఈ సినిమాలో బాలయ్యను ఫుల్ మాస్ అవతార్లో చూపించేందుకు కొరటాల శివ సిద్ధమవుతున్నట్టు టాక్. అదే సమయంలో, ఫ్యామిలీ ఎమోషన్స్ కూడా కథలో కీలకంగా ఉండబోతున్నాయట.
ఇది దేవర తర్వాత కొరటాల శివ చేస్తున్న సినిమా కావడంతో, కథ విషయంలో ఆయన చాలా కసరత్తులు చేశారని వినిపిస్తోంది. స్టోరీ కూడా ఇప్పటివరకు చేసిన సినిమాలకు భిన్నంగా ఉంటుందని అంటున్నారు.
ఈ ప్రతిష్టాత్మక చిత్రాన్ని సుధాకర్ చెరుకూరి మరియు సుధాకర్ మిక్కిలినేని సంయుక్తంగా నిర్మిస్తున్నారు.
మొత్తానికి, బాలయ్య మాస్ ఫ్యాన్స్కు ఇది మరో ఫీస్ట్గా మారే సూచనలు కనిపిస్తున్నాయి