నందమూరి అభిమానులు ఎప్పటి నుంచో ఎదురుచూస్తున్న మోక్షజ్ఞ Nandamuri Mokshagnyaసినీ అరంగేట్రానికి ఎట్టకేలకు క్లారిటీ వచ్చేసింది. నందమూరి బాలకృష్ణ తనయుడు మోక్షజ్ఞను హీరోగా పరిచయం చేస్తూ ఓ భారీ చిత్రాన్ని తెరకెక్కించేందుకు సన్నాహాలు జరుగుతున్నాయి. ‘బింబిసార’, ‘విశ్వంభర’ చిత్రాలతో తనదైన ముద్ర వేసుకున్న దర్శకుడు వశిష్ట ఈ సినిమాకు దర్శకత్వం వహించనున్నారు. ప్రముఖ నిర్మాణ సంస్థ మైత్రీ మూవీ మేకర్స్ ఈ ప్రతిష్టాత్మక ప్రాజెక్ట్ను నిర్మిస్తోంది.
మోక్షజ్ఞకు జోడీగా టాలీవుడ్ క్రేజీ హీరోయిన్ శ్రీలీలను ఎంపిక చేయనున్నారనే వార్తలు ప్రస్తుతం ఇండస్ట్రీలో హాట్ టాపిక్గా మారాయి. హీరోయిన్ పాత్ర కోసం శ్రీలీలతో చిత్రబృందం సంప్రదింపులు జరుపుతున్నట్లు తెలుస్తోంది. ఈ చర్చలు తుది దశకు చేరుకున్నాయని, అన్నీ అనుకున్నట్లు జరిగితే త్వరలోనే ఆమె పేరును అధికారికంగా ప్రకటించే అవకాశం ఉందని సమాచారం.
భారీ స్థాయిలో తెరకెక్కనున్న ఈ సినిమాను దసరా పండుగ సందర్భంగా లాంఛనంగా ప్రారంభించేందుకు మేకర్స్ ప్లాన్ చేస్తున్నట్లు తెలుస్తోంది. ఇప్పటికే ప్రీ-ప్రొడక్షన్ పనులు వేగంగా సాగుతున్నాయి. కథకు అనుగుణంగా భారీ సెట్స్, యాక్షన్ ఎపిసోడ్స్, విజువల్ ఎలిమెంట్స్పై ప్రత్యేక దృష్టి పెడుతున్నట్లు సమాచారం. సినిమాను 2027 సమ్మర్లో ప్రేక్షకుల ముందుకు తీసుకురావాలనే లక్ష్యంతో చిత్రబృందం పనిచేస్తోంది.
మోక్షజ్ఞ డెబ్యూ మూవీ కావడంతో నందమూరి బాలకృష్ణ కూడా ఈ ప్రాజెక్ట్పై ప్రత్యేక శ్రద్ధ పెట్టినట్లు తెలుస్తోంది. సినిమా కథ, మోక్షజ్ఞ లుక్, పాత్రకు సంబంధించిన అంశాలను ఆయన స్వయంగా పర్యవేక్షిస్తున్నట్లు సమాచారం. అంతేకాకుండా ఈ సినిమాలో బాలకృష్ణ ప్రత్యేక అతిథి పాత్రలో కనిపించే అవకాశం ఉందనే ప్రచారం కూడా జరుగుతోంది. అయితే దీనిపై అధికారికంగా ఎలాంటి ప్రకటన వెలువడలేదు.
ఇక మోక్షజ్ఞ కూడా తన డెబ్యూ కోసం చాలా కాలంగా ప్రత్యేకంగా సిద్ధమవుతున్నాడు. గత ఏడాది కాలంగా బరువు తగ్గడంతో పాటు, తన లుక్ను పూర్తిగా మార్చుకున్నట్లు తెలుస్తోంది. ఫిట్నెస్పై దృష్టి పెట్టి, తెరపై సరికొత్త అవతారంలో కనిపించేందుకు ఆయన కసరత్తులు చేస్తున్నాడని సమాచారం.
దర్శకుడు వశిష్టతో పాటు మైత్రీ మూవీ మేకర్స్ వంటి అగ్ర నిర్మాణ సంస్థ ఈ ప్రాజెక్ట్ వెనుక ఉండటంతో మోక్షజ్ఞ డెబ్యూ మూవీపై భారీ అంచనాలు నెలకొన్నాయి. దీనికి శ్రీలీల జోడైతే సినిమాపై క్రేజ్ మరింత పెరిగే అవకాశం ఉంది. మరి నందమూరి వారసుడి తొలి అడుగు ఎలాంటి విజయాన్ని అందుకుంటుందో చూడాలి.
