ఐకాన్ స్టార్ అల్లు అర్జున్ ప్రస్తుతం చేస్తున్న క్రేజీ పాన్ ఇండియా ప్రాజెక్ట్ రాకా పై Raaka ప్రేక్షకుల్లో భారీ అంచనాలు నెలకొన్నాయి. ముఖ్యంగా స్టార్ డైరెక్టర్ అట్లీ ఈ చిత్రాన్ని తెరకెక్కిస్తుండటంతో సినిమాపై హైప్ మరింత పెరిగింది. ఈ నేపథ్యంలో తాజాగా ‘రాకా’కు సంబంధించి అల్లు అర్జున్ రెమ్యూనరేషన్పై ఓ ఆసక్తికరమైన వార్త సినీ వర్గాల్లో చక్కర్లు కొడుతోంది.
‘పుష్ప’ సిరీస్తో అల్లు అర్జున్ తన మార్కెట్ను భారీగా పెంచుకున్న విషయం తెలిసిందే. ముఖ్యంగా ‘పుష్ప 2’ ఘన విజయంతో ఆయన మార్కెట్ స్థాయి మరింత పెరిగింది. ఈ సినిమాకు బన్నీ ఫిక్స్డ్ రెమ్యూనరేషన్కు బదులుగా లాభాల్లో వాటా తీసుకున్నారని, తద్వారా దాదాపు రూ.130 కోట్ల వరకు అందుకున్నారని అప్పట్లో వార్తలు వచ్చాయి.
ఇప్పుడు ఇదే తరహా ఫార్ములాను ‘రాకా’కు కూడా అల్లు అర్జున్ ఫాలో అవుతున్నట్లు ట్రేడ్ వర్గాల్లో ప్రచారం జరుగుతోంది. ఈ సినిమా ద్వారా వచ్చే మొత్తం బిజినెస్లో 33 శాతం వాటాను ఆయన రెమ్యూనరేషన్గా తీసుకునేలా ఒప్పందం కుదిరిందనే టాక్ వినిపిస్తోంది.
‘రాకా’పై ఉన్న భారీ అంచనాలను దృష్టిలో పెట్టుకుంటే, ఈ 33 శాతం వాటా విలువ సుమారు రూ.300 కోట్ల వరకు ఉండొచ్చని ట్రేడ్ వర్గాలు అంచనా వేస్తున్నాయి. అదే నిజమైతే భారతీయ సినిమా పరిశ్రమలోనే అత్యధిక పారితోషికం అందుకునే స్టార్ హీరోల్లో అల్లు అర్జున్ మరోసారి సరికొత్త రికార్డు నెలకొల్పే అవకాశం ఉంది.
అయితే అల్లు అర్జున్ రెమ్యూనరేషన్కు సంబంధించి రూ.300 కోట్ల అంచనా అధికారికంగా ధృవీకరించబడలేదు. కాబట్టి ప్రస్తుతం ఇది సినీ, ట్రేడ్ వర్గాల్లో వినిపిస్తున్న ప్రచారంగానే చూడాలి.
