విక్టరీ వెంకటేష్, నందమూరి కళ్యాణ్ రామ్ కాంబినేషన్‌లో అనిల్ రావిపూడి తెరకెక్కిస్తున్న కొత్త సినిమాపై January 12 Release ఆసక్తికరమైన అప్‌డేట్ వినిపిస్తోంది. ఇప్పటికే ఈ ప్రాజెక్ట్‌పై మంచి అంచనాలు ఉండగా, తాజాగా సినిమాలోని ఓ సర్‌ప్రైజింగ్ ఎలిమెంట్ గురించి టాక్ మొదలైంది.
ఈ సినిమాలో ఓ ప్రముఖ హీరో గెస్ట్ రోల్‌లో కనిపించనున్నారని సమాచారం. అయితే ఆ పాత్రలో ఎవరు నటించబోతున్నారు, కథలో ఆ క్యారెక్టర్‌కు ఎలాంటి ప్రాధాన్యత ఉంటుంది అనేది ప్రస్తుతం ఆసక్తిని రేకెత్తిస్తోంది. గెస్ట్ రోల్ చిన్నదే అయినప్పటికీ ప్రేక్షకులకు, ముఖ్యంగా అభిమానులకు మంచి సర్‌ప్రైజ్ ఇచ్చేలా ఉంటుందని ఇండస్ట్రీ వర్గాల్లో చర్చ జరుగుతోంది.
ఇక ఈ చిత్రంలో వెంకటేష్‌ను ఇప్పటివరకు చూడని విధంగా అల్ట్రా స్టైలిష్ లుక్‌లో చూపించనున్నారని తెలుస్తోంది. మరోవైపు కళ్యాణ్ రామ్ లుక్ మాత్రం వెంకీ క్యారెక్టర్‌కు పూర్తి భిన్నంగా ఉండనుందని సమాచారం. ఇద్దరి పాత్రల డిజైనింగ్, స్క్రీన్ ప్రజెంటేషన్ సినిమాకు ప్రత్యేక ఆకర్షణగా నిలిచేలా దర్శకుడు అనిల్ రావిపూడి ప్లాన్ చేస్తున్నట్లు తెలుస్తోంది.
కథ కూడా తన గత సినిమాలకు భిన్నంగా కొత్త తరహాలో ఉండనుందని టాక్. కామెడీ, ఎమోషన్, యాక్షన్ అంశాలను కలిపి అనిల్ రావిపూడి తనదైన శైలిలో ఈ చిత్రాన్ని రూపొందిస్తున్నారని సమాచారం. దీంతో వెంకటేష్, కళ్యాణ్ రామ్‌ల కాంబినేషన్ ఎలా ఉండబోతుందనే ఆసక్తి అభిమానుల్లో పెరుగుతోంది.
సాహు గారపాటి నిర్మిస్తున్న ఈ సినిమాకు జి.వి. ప్రకాష్ కుమార్ సంగీతం అందిస్తున్నారు. ఇప్పటికే మూడు ట్యూన్స్ సిద్ధం చేసినట్లు తెలుస్తోంది. దీంతో మ్యూజిక్ పరంగానూ ఈ సినిమా ప్రత్యేకంగా నిలిచే అవకాశం ఉంది.
మరోవైపు ఈ చిత్రానికి ‘జనవరి 12 విడుదల’ అనే టైటిల్‌ను ఖరారు చేసినట్లు ఇప్పటికే వార్తలు వచ్చాయి. టైటిల్‌కు తగ్గట్టుగానే సంక్రాంతి సీజన్‌ను టార్గెట్ చేస్తూ సినిమాను ప్రేక్షకుల ముందుకు తీసుకురావాలని మేకర్స్ ప్లాన్ చేస్తున్నట్లు తెలుస్తోంది.
ప్రస్తుతం షూటింగ్ శరవేగంగా జరుగుతుండగా, నవంబర్‌లోపు మొత్తం చిత్రీకరణను పూర్తి చేయాలని దర్శకుడు అనిల్ రావిపూడి లక్ష్యంగా పెట్టుకున్నారని సమాచారం. గెస్ట్ రోల్‌లో కనిపించే హీరో ఎవరనే విషయంపై మాత్రం అధికారిక ప్రకటన రావాల్సి ఉంది. ఆ సర్‌ప్రైజ్ బయటకు వస్తే సినిమాపై హైప్ మరింత పెరిగే అవకాశం ఉంది.
