ఆంధ్రప్రదేశ్ లో నిన్న అచ్చెన్నాయుడు, ఈరోజు జేసీ ప్రభాకర్ రెడ్డిని పోలీసులు అరెస్ట్ చేశారు. వీరిద్దరూ టీడీపీలో ఉన్న నాయకులు. ఏపీలో వరుస అరెస్ట్ లు కలకలం సృష్టిస్తున్నాయి. తెలుగుదేశం పార్టీకి చెందిన మరో నేతను పోలీసులు ఈరోజు ఉదయం అరెస్ట్ చేసారు.శుక్రవారం రోజు మాజీ మంత్రి అచ్చెన్నాయుడు అరెస్ట్ సంచలనం సృష్టించిన రేపింది. అయితే ఈ ఎస్ ఐ మెడికల్ స్కాంలో ఆయనను అరెస్ట్ చేసారు.
కాగా ఈరోజు మాజీ ఎమ్మెల్యే జేసీ ప్రభాకర్ రెడ్డిని అరెస్ట్ చేసారు. జేసీ ప్రభాకర్ రెడ్డితో పాటు అతని కొడుకు ఆస్మిత్ రెడ్డిని కూడా అరెస్టు చేసారు అనంతపురం పోలీసులు. 154 బస్సుల నకిలీ ఎన్ఓసి కేసులో అరెస్ట్ చేసినట్టు పోలీసులు వెల్లడిస్తున్నారు. నకిలీ ఇన్సూరెన్స్ లు సృష్టించి మోసాలకు పాల్పడినట్టు అభియోగాలు నమోదు చేసినట్టు కూడా సమాచారం అందుతుంది. బిఎస్ – 3, బిఎస్ – 4 వాహనాల కోనుగోలు, నకిలీ ఇన్సూరెన్స్ ల వ్యవహారంలో ఇరువురిని అదుపులోకి తీసుకున్న పోలీసులు.. హైదరాబాద్ నుంచి అనంతపురం తరలిస్తున్నారు. కాగా జేసీ ప్రభాకర్ రెడ్డి, మాజీ ఎంపీ జేసీ దివాకర్ రెడ్డి సోదరుడు అన్న విషయం తెలిసిందే. వారి ట్రావెల్స్ బస్సులను సీజ్ చేయడంపై పలు సందర్భాల్లో ప్రభుత్వం, అధికారులపై పలు సందర్భాల్లో జేసీ దివాకర్ రెడ్డి తీవ్ర వ్యాఖ్యలు చేసిన విషయం తెలిసిందే.