ఎవరు ఔనన్నా ఎవరు కాదన్న నందమూరి కుటుంబం నుంచి వచ్చే హీరోలు ఎవరికైనా మాస్ అప్పీల్ ఉంటుంది. దీన్ని బ్రేక్ చేయడానికి ఆ హీరోలు కూడా ప్రయత్నించింది లేదు. ఎన్టీఆర్ లాంటి క్రౌడ్ పుల్లర్ మాత్రమే కాదు జయాపజయాలతో సంబంధం లేకుండా నడిచారు. కళ్యాణ్ రామ్ కూడా కూడా అదే బాటలో నడిచారు. ఇక ఆయన సొంతంగా చేసిన సినిమాలు అన్నీ మాస్ ఆడియన్స్ ని దృష్టిలో పెట్టుకుని చేసినవే. అలాంటి కళ్యాణ్ రామ్ కొత్తగా, క్లాస్ గా ఉంటే ఎలా ఉంటుంది? ఊహకే కాస్త డిఫరెంట్ గా అనిపించిన ఈ ఆలోచనని నిజం చేసి చూపింది “నా నువ్వే “ టీం.
యాడ్ ఫిలిమ్స్ చేయడంలో మంచి పట్టున్న జయేంద్ర డైరెక్షన్ లో మహేష్ కోనేరు నిర్మాతగా చేస్తున్న సినిమాకి “ నా నువ్వే “ అని టైటిల్ పెట్టడమే ఆశ్చర్యం. ఆ టైటిల్ తో విడుదల అయిన టీజర్ చూస్తుంటే ఇంకాస్త షాక్ తప్పదు. దిగ్గజ కెమెరా మెన్ పీసీ శ్రీరామ్ కంటి కోణంలో చూసినప్పుడు కళ్యాణ్ రామ్ సరికొత్తగా కనిపిస్తున్నాడు. ఈ కళ్యాణ్ రామ్ యేనా నిన్నమొన్నటిదాకా పక్కా మాస్ సినిమాలు చేసింది అనిపిస్తోంది. ఇక “నా నువ్వే “ టీజర్ లో మరో హైలైట్ మిల్కీ బ్యూటీ తమన్నా. ఈ టీజర్ చూస్తుంటే మాత్రం సినిమా మీద మంచి ఇంప్రెషన్ తో పాటు కళ్యాణ్ కెరీర్ కొత్త మలుపు తీసుకోవడం గారంటీ అనిపిస్తోంది. కావాలంటే మీరు కూడా ఆ టీజర్ మీద ఓ లుక్ వేయండి.
