టాలీవుడ్ స్టార్ హీరోయిన్ సమంత చాలా కాలం తర్వాత నటించిన చిత్రం ‘మా ఇంటి బంగారం’ (Maa Inti Bangaram). సుదీర్ఘ విరామం తర్వాత ప్రేక్షకుల ముందుకు వచ్చిన ఈ సినిమాకు తెలుగు రాష్ట్రాల్లో మంచి ఆదరణ లభించింది. సమంతకు కంబ్యాక్ మూవీగా నిలిచిన ఈ చిత్రం బాక్సాఫీస్ వద్ద కూడా మంచి విజయాన్ని అందుకుంది.
థియేట్రికల్ రన్ పూర్తయిన తర్వాత ఈ సినిమా ఓటీటీలోకి అడుగుపెట్టింది. తొలుత దక్షిణాది భాషల్లో జియో హాట్స్టార్లో స్ట్రీమింగ్కు అందుబాటులోకి వచ్చిన ‘మా ఇంటి బంగారం’, తాజాగా మరో భాషలోనూ డిజిటల్ ప్రేక్షకులను పలకరించింది.
ఇప్పటికే హిందీ వెర్షన్ కూడా స్ట్రీమింగ్కు వచ్చేసింది. అయితే సౌత్ వెర్షన్స్కు భిన్నంగా హిందీ వెర్షన్ మరో ఓటీటీ ప్లాట్ఫామ్లో అందుబాటులోకి వచ్చింది. సోనీ లివ్ ఈ సినిమా హిందీ స్ట్రీమింగ్ హక్కులను సొంతం చేసుకోగా, తాజాగా అక్కడ స్ట్రీమింగ్ ప్రారంభమైంది.
తెలుగులో మంచి స్పందన అందుకున్న ఈ సినిమాకు హిందీ ప్రేక్షకుల నుంచి ఎలాంటి రెస్పాన్స్ వస్తుందనేది ఆసక్తికరంగా మారింది. నందిని రెడ్డి దర్శకత్వం వహించిన ఈ చిత్రానికి సంతోష్ నారాయణన్ సంగీతం అందించారు. సమంత స్వయంగా ఈ సినిమాను నిర్మించారు.
