సూపర్‌స్టార్‌ మహేష్‌ బాబు ప్రస్తుతం వంశీ పైడిపల్లి దర్శకత్వంలో ‘మహర్షి’ చిత్రంలో నటిస్తున్నాడు. ప్రస్తుతం ఈ చిత్ర షూటింగ్‌ అమెరికాలో జరుగుతోంది. వచ్చే ఏడాది వేసవిలో ఈ చిత్రాన్ని విడుదల చేయాలని చిత్ర యూనిట్‌ ప్లాన్‌ చేస్తున్నారు. హీరోగా చాలా క్రేజ్‌ ఉన్న మహేష్‌ పలు సైడ్‌ బిజినెస్‌లు చేస్తున్న విషయం తెల్సిందే. మహేష్‌ బాబు ఏషియన్‌ సినిమాస్‌ సంస్థతో కలిసి మల్టిప్లెక్స్‌ను ప్రారంభించబోతున్నాడు. హైదరాబాద్‌లోని గచ్చిబౌలిలో భారీ మల్టీప్లెక్స్‌ నిర్మాణం జరుగుతోంది. ఈ మల్టిప్లెక్స్‌కు ఎఎమ్‌బి సినిమాస్‌ అనే పేరును ఖరారు చేసి, త్వరలో ప్రారంభించబోతున్నారు.
ఈ థియేటర్‌ను మహేష్‌ బాబునే స్వయంగా ప్రారంభినున్నట్టు తెలుస్తోంది. ‘మహర్షి’కి చిన్న విరామం ఇచ్చి ఈ థియేటర్‌ను ప్రారంభిడానికి మహేష్‌బాబు రెడీ అవుతున్నాడు. తాజాగా ప్రారంభోత్సవానికి ముహుర్తం ఫిక్స్‌ చేసినట్టు తెలుస్తోంది. నవంబర్‌ 8న ఎఎమ్‌బి సినిమాస్‌ మల్టీప్లెక్స్‌ను మహేష్‌బాబు ప్రారంభినున్నాడు. ప్రస్తుతం గచ్చిబౌలిలో నిర్మించిన ఈ మల్టిప్లెక్స్‌ను రెండు తెలుగు రాష్ట్రాల్లో కూడా విస్తరించే ప్రయత్నాలు జరుగుతున్నట్టు సమాచారం అందుతోంది.
