సినిమాల్లో కొన్ని పాత్రలు నటీనటులకు ప్రత్యేకమైన గుర్తింపును తీసుకొస్తాయి. అలాంటి బలమైన, పవిత్రమైన పాత్రల్లో శ్రీరాముడి పాత్ర కూడా ఒకటి. ఈ పాత్రను తెరపై ఆవిష్కరించడం అంత సులభమైన విషయం కాదు. తాజాగా బాలీవుడ్ స్టార్ రణబీర్ కపూర్ ‘రామాయణ’ చిత్రంలో శ్రీరాముడిగా కనిపిస్తూ ప్రేక్షకుల దృష్టిని ఆకర్షిస్తున్నారు.
రణబీర్ తర్వాత మహేష్ బాబు!
శ్రీరాముడి పాత్రకు ఎవరు సరిపోతారనే చర్చ ఎప్పటి నుంచో ఉంది. ముఖ్యంగా మన టాలీవుడ్‌లో ఈ పాత్రకు పర్ఫెక్ట్‌గా సరిపోయే హీరోల గురించి మాట్లాడినప్పుడు సూపర్ స్టార్ మహేష్ బాబు పేరు ప్రముఖంగా వినిపిస్తుంటుంది. ఆయన అందం, హుందాతనం, స్క్రీన్ ప్రెజెన్స్ ఈ తరహా పాత్రలకు ప్రత్యేక ఆకర్షణగా నిలుస్తాయని అభిమానులు భావిస్తుంటారు.
ఇప్పుడు మహేష్ బాబు నటిస్తున్న భారీ చిత్రం ‘వారణాసి’లో Varanasi ఆయన శ్రీరాముడి పాత్రలో కనిపించనున్నారనే ప్రచారం అభిమానుల్లో ఆసక్తిని పెంచుతోంది. దీంతో రణబీర్ కపూర్ తర్వాత మహేష్ బాబును కూడా ఈ తరహా పాత్రలో చూడబోతున్నామనే అంచనాలు మొదలయ్యాయి.
మహేష్ లుక్‌పై భారీ అంచనాలు!
మహేష్ బాబు తనదైన అందం, ఠీవితో శ్రీరాముడి పాత్రలో కనిపిస్తే బిగ్ స్క్రీన్‌పై అద్భుతమైన అనుభూతిని అందిస్తారని అభిమానులు ఆశిస్తున్నారు. ఇప్పటికే ‘వారణాసి’పై భారీ అంచనాలు ఉండగా, ఈ పాత్రకు సంబంధించిన ప్రచారం వాటిని మరింత పెంచుతోంది.
మరి దర్శకుడు ఎస్.ఎస్. రాజమౌళి మహేష్ బాబును ఈ పాత్రలో ఎలా చూపించబోతున్నారు? ఆయన లుక్ ప్రేక్షకులను ఏ స్థాయిలో మెస్మరైజ్ చేయనుంది? అన్నది తెలియాలంటే అధికారిక అప్డేట్స్ కోసం ఎదురుచూడాల్సిందే.
