దర్శకధీరుడు రాజమౌళి – మహేష్ బాబు మూవీ ఎప్పుడు స్టార్ట్ అవుతుంది ? అంటూ మహేష్ ఫ్యాన్స్ ఎంతో ఆసక్తిగా ఎదురు చూస్తున్నారు. కాగా మహేష్ బాబు పుట్టినరోజు సందర్భంగా ఆగస్టు 9న ఈ మూవీ ని పూజా కార్యక్రమాలతో స్టార్ట్ చేయాలని మేకర్స్ ప్లాన్ చేస్తున్నట్లు ఇప్పటికే వార్తలు వచ్చాయి. నిజానికి మొన్నటివరకూ తెలుగు నూతన సంవత్సరమైన ఉగాది సందర్భంగా ఏప్రిల్ 9న ఈ మూవీ ని అధికారికంగా లాంచ్ చేస్తున్నారని వార్తలు బాగా వినిపించాయి.
మరి ఈ రెండు తేదీల్లో ఏ తేదీన ఈ మూవీ స్టార్ట్ అవుతుందో ఒక అప్ డేట్ వినిపిస్తోంది. మహేష్ పుట్టినరోజు తేదీ అయిన ఆగస్టు 9నే ఈ మూవీ అధికారికంగా స్టార్ట్ చేస్తారని తెలుస్తోంది . ఇక ఆఫ్రికా బ్యాక్‌ డ్రాప్‌ లో అడ్వెంచర్ థ్రిల్లర్‌ గా ఈ కథా నేపథ్యం సాగుతుందని తెలుస్తోంది. ఆ మధ్య విజయేంద్రప్రసాద్‌ ఈ మూవీ కథ గురించి ఒక ఇంటర్వ్యూలో చెబుతూ.. ‘నేను, రాజమౌళి ఇద్దరం దక్షిణాఫ్రికా నవలా రచయిత విల్బర్‌ స్మిత్‌ కి పెద్ద అభిమానులం. అందుకే ఆయన పుస్తకాల ఆధారంగానే ఈ మూవీ స్క్రిప్ట్ ని రాయాలనుకుంటున్నాను’ అంటూ చెప్పుకొచ్చారు.
