యువ హీరోల్లో కొత్త ప్రయత్నాలు చేస్తూ సినిమా సినిమాకు తన మార్కెట్ పెంచుకుంటున్న నిఖిల్ కిరాక్ పార్టీతో అంచనాలను అందుకోలేదు. ప్రస్తుతం అతను హీరోగా వస్తున్న సినిమా ముద్ర. కోలీవుడ్ సూపర్ హిట్ మూవీ కణిథన్ కు రీమేక్ గా వస్తున్న ఈ ముద్ర సినిమాలో నిఖిల్ జర్నలిస్ట్ గా నటిస్తున్నాడు. ఈ సినిమాలో నిఖిల్ కు జోడీగా లావణ్య త్రిపాఠి నటిస్తుంది. యువ హీరోల్లో తన ముద్ర వేసేందుకు ప్రయత్నిస్తున్న నిఖిల్ కు ఈ ముద్ర సినిమా కచ్చితంగా మంచి పేరు తెచ్చిపెడుతుందని అంటున్నారు.
ఈ సినిమాకు సంబందించి నిఖిల్, లావణ్య త్రిపాఠిల పోస్టర్ రిలీజ్ చేశారు. సినిమాలో లావణ్య ఫస్ట్ లుక్ రిలీజ్ చేయడం ఇదే మొదటిసారి. మాత్రుక దర్శకుడు టి.ఎన్.సంతోష్ డైరెక్ట్ చేస్తున్న ఈ సినిమా డిసెంబర్ 28న రిలీజ్ చేసేందుకు ప్లాన్ చేస్తున్నారు. సమాజంలో జరిగే కొన్ని విషయాల పట్ల మీడియా ఎలా బాధ్యత తీసుకుంది అని చెప్పే కథతో ఈ ముద్ర చిత్రం తెరకెక్కుతుంది. ఎక్కడికి పోతావు చిన్నవాడా తర్వాత నిఖిల్ చేసిన కేశవ, కిరాక్ పార్టీ రెండు ఆశించిన ఫలితాలు ఇవ్వలేదు. మరి ఈ ముద్ర అయినా నిఖిల్ ను హిట్ ట్రాక్ ఎక్కిస్తుందో లేదో చూడాలి.
