టాలీవుడ్ ప్రముఖ హీరో అలాగే ఏపీ ఉప ముఖ్యమంత్రి పవన్ కళ్యాణ్ గత కొన్ని రోజులు నుంచి జాతీయ స్థాయి వార్తల్లో గట్టిగా వినిపిస్తుండగా పవన్ అందుకున్న రాజకీయ విజయం తన మూవీ ల సక్సెస్ కంటే ఎక్కువ కిక్ అని అభిమానులని అంతకు మించి మెగా కుటుంబానికి ఆయన అందించింది. అయితే పవన్ విజయం పట్ల ఎంతో ఆనందం వ్యక్తం చేసిన వారిలో మెగా మేనల్లుడు సాయి ధరమ్ తేజ్ కూడా ఒకరు .
సాయి ధరమ్ తేజ్ పవన్ విజయం సాధించిన రోజు నుంచి ఎంతో ఉత్సాహంగా తన మావయ్య విజయాన్ని తన విజయంలా భావించి సెలబ్రేట్ చేసుకున్నారు . అయితే ఇది ఈ కొన్ని రోజులదే కాదు పవన్ గెలవాలని ఎప్పుడో గట్టిగా మొక్కుకున్నట్టు గానే ఉన్నాడు. అలా కలియుగ దైవం శ్రీ వెంకటేశ్వర స్వామికి మొక్కుకొని మావయ్య కోసం తాను కూడా నిలబడ్డారు .
మరి మొక్కుకున్నట్టుగానే పవన్ గెలవడంతో సాయి ధరమ్ తేజ్ తిరుమల సన్నిధికి కాలి నడకన అయన బయలుదేరాడు. దీనితో పలు వీడియోలో ఫోటోలు సాయి తేజ్ విషయంలో వైరల్ గా మారాయి. మరి ఈ చర్యతో పవన్ అంటే తేజ్ కు ఎంత గౌరవం ఉందో అర్ధం చేసుకోవచ్చు. అలాగే మెగా అభిమానుల్లో కూడా సాయి ధరమ్ తేజ్ మరో మెట్టు ఎక్కేసాడు అని చెప్పుకోవాలి .
