Peddi: మెగాపవర్ స్టార్ రామ్ చరణ్ హీరోగా రూపొందుతున్న మోస్ట్ అవైటెడ్ మూవీ ‘పెద్ది’. జాన్వీ కపూర్ హీరోయిన్గా, బుచ్చిబాబు సాన దర్శకత్వంలో తెరకెక్కుతున్న ఈ మల్టీ స్పోర్ట్స్ డ్రామా నుంచి ఇప్పటివరకు కథను పూర్తిగా చూపించే టీజర్ కానీ, ట్రైలర్ కానీ రిలీజ్ కాలేదు. అయినా సరే, బాక్సాఫీస్ దగ్గర మాత్రం సినిమాపై అంచనాలు ఏ స్థాయిలో ఉన్నాయో యూఎస్ బుకింగ్స్ స్పష్టంగా చెబుతున్నాయి.
నార్త్ అమెరికాలో ఇప్పటికే RRR సెట్ చేసిన ఫాస్టెస్ట్ 50 వేల డాలర్ల మార్క్ను ‘పెద్ది’ దాటేసిందని సమాచారం. అంతేకాదు, ఓజి, పుష్ప 2, దేవర లాంటి భారీ సినిమాలు ఒక రోజు తీసుకున్న రెస్పాన్స్ను ఈ సినిమా గంటల వ్యవధిలోనే క్రాస్ చేస్తుందన్న టాక్ వినిపిస్తోంది. అదీ ఇంకా ట్రైలర్ రిలీజ్ కాకముందే కావడం విశేషం.
ఇప్పటికే ఈ రేంజ్లో బుకింగ్స్ ఉంటే, ట్రైలర్ రిలీజ్ అయిన తర్వాత మోమెంటం ఇంకెన్ని రికార్డులు చెరిపేస్తుందో అని ఫ్యాన్స్ ఆసక్తిగా ఎదురుచూస్తున్నారు. మరి ఆ ట్రైలర్ ఎప్పుడు వస్తుందో, అప్పటివరకు ‘పెద్ది’ బాక్సాఫీస్ మోత ఇంకా ఏ స్థాయికి చేరుతుందో చూడాలి.