జీర్ణ సమస్యల గురించి తెలిసినా కూడా కొన్ని కొన్ని సార్లు పొరపాట్లు చేసేస్తూ ఉంటాం, ఆ.. ఈ ఒక్కసారికీ ఏం కాదులే అని. నిజమే, ఒక్కసారికి ఏం కాదు, కానీ అలాంటి ఒక్కసార్లు మళ్ళీ మళ్ళీ రిపీట్ అవడం మంచిది కాదు కదా. అయితే, తనని పట్టించుకోవాలి, నిర్లక్ష్యం చేయడం ఆపాలి అని గట్ తనంతట తనే మనకి కొన్ని సూచనల ద్వారా తెలియచేస్తుంది. అవేమిటో, తెలుసుకుంటే ఆ సూచనలు కనిపించగానే అయినా జాగ్రత్త తీసుకోగలం.
గట్‌లో అంతా చెడు బ్యాక్టీరియా ఎక్కువైపోతే తీసుకున్న ఆహారం సరిగా జీర్ణం కాదు, ఫలితంగా ఎసిడిటీ, గ్యాస్ వంటి సమస్యలు తలెత్తుతాయి. పోషకాహారం తీసుకోవడంతో పాటు, ఎలాంటి డిస్ట్రాక్షన్స్ లేకుండా ఆహారం తీసుకోవడం, ఆహారాన్ని నెమ్మదిగా నమిలి తినడం, తింటున్న ఆహారం యొక్క రుచిని గమనించి ఎంజాయ్ చేయడం వంటివి హెల్ప్ చేస్తాయి.
డైజెస్టివ్ హెల్త్, డిప్రెషన్‌కీ సంబంధం ఉందని మీకు తెలుసా? ఒక నిమిషం ఆలోచించండి, మీకే అర్ధమవుతుంది. మూడ్ బాగుండనప్పుడు ఆటోమ్యాటిక్‌గా కంఫర్ట్ ఫుడ్ వైపు మనసు లాగుతుంది. లేదంటే, అసలేమీ తినాలనిపించదు. ఇలా ఎందుకు జరుగుతుందంటే పొట్టలో ఉన్న చెడు బ్యాక్టీరియా యాక్టివ్‌గా ఉండడం వల్ల. మంచి నిద్ర, తాజా పండ్లు, కూరగాయలు, ఎక్సర్‌సైజ్, వాకింగ్, ఒత్తిడిని తగ్గించుకునే పద్ధతుల వంటివి మనసుని సాంత్వన పరచడమే కాక గట్‌కి కూడా మేలు చేస్తాయి.
బ్యాలెన్స్ లేని లైఫ్ స్టైల్, అనుభవిస్తున్న ఒత్తిడి, సరైన సమయంలో సరైన ఆహారం తీసుకోకపోవడం వంటి వాటి వల్ల డైజెస్టివ్ వాల్ ఇరిటేట్ అయి ఉంటే అనేక రకాల సమస్యలు వస్తాయి. అందులో బ్రెయిన్ ఫంక్షన్ స్లో అవడం కూడా ఒకటి. కాన్సంట్రేషన్ లేకపోవడం, మర్చిపోవడం, చిన్న చిన్న పొరపాట్లు చేయడం వంటివన్నీ అందులోకే వస్తాయి.
గట్‌లో ఏమైనా చిరాకులు ఉంటే అవి మొట్టమొదటిగా కనపడేవి స్కిన్ మీదే. మన లోపల ఉండే అశాంతి, చిరాకు, బాధ వల్ల ముందుగా ఎఫెక్ట్ అయ్యేది మన చర్మమే. స్కిన్ మెరుస్తూ ఉండాలంటే గట్ హెల్దీ ఫుడ్స్ తీసుకోవడమే కాదు, హెల్దీ లైఫ్ స్టైల్ కూడా అవలంబించాలి.
మీ ప్లేట్ లో ఎక్కువ శాతం తాజా కూరగాయలు ఉండేలా చూసుకోండి.మీ బ్రేక్ ఫాస్ట్‌లో ప్రొటీన్, హెల్దీ ఫ్యాట్స్, కాంప్లెక్స్ కార్బో హైడ్రేట్స్ తప్పనిసరిగా ఉండాలని గుర్తుంచుకోండి.ఆహారం తక్కువ తీసుకుంటే సన్నబడతాం అనే ఉద్దేశ్యంతో చాలా మంది రోజంత సరిగా తినకుండా ఉంటారు. వారు ఇంటికి వచ్చిన తరువాత చేసే పనేమిటంటే రోజంతా జాగ్రత్తగా ఉన్నాం కదా అని చిప్స్, ఐస్ క్రీం, పేస్ట్రీ, సమోసా వంటివి తినేస్తారు. రోజంతా సరిగా ఆహారం తీసుకుంటూ ఉంటే ఇలాంటి క్రేవింగ్స్ ఉండే ఛాన్స్ బాగా తగ్గుతుంది.
బయట తింటున్నప్పుడు ఏం తింటున్నారో గమనించుకుంటూ ఉండండి. సింపుల్ ఐటెం కావచ్చు, కానీ దాన్నిండా బటర్ ఉండవచ్చు.ఆకలిగా ఉన్నప్పుడు సూపర్ మార్కెట్‌కి వెళ్ళకూడదు, ఈ రూల్ మీకు తెలుసు. అలాగే, లిస్ట్ చేతిలో లేకుండా కూడా సూపర్ మార్కెట్‌కి వెళ్ళకూడదు. ఏం కొనాలో తెలియకపోతే ప్యాకేజ్డ్ ఫుడ్ ఎక్కువ కొనేస్తాం. ఆ వారం లో మీరు ఏం వంట చేయదల్చుకున్నారో ఆలోచించుకుని ఆ ప్రకారం షాపింగ్ చేయండి.
కాఫీలో పంచదార తగ్గించి వేసుకుని చాలా జాగ్రత్తగా ఉన్నాం అనుకుంటూ ఉంటాం, కానీ అది సరిపోదు. ప్యాకేజ్డ్ ఫుడ్స్‌లో ఎక్కువ శాతం షుగర్ ఉంటుంది. కొన్ని ఫుడ్స్‌లో అయితే సర్వింగ్‌కి ఇరవై గ్రాముల షుగర్ ఉంటుందని లేబుల్ మీద చెప్తారు. కాబట్టి, లేబుల్స్ చదివే అలవాటు చేసుకోండి. ఇక్కడ ఇంకొక టిప్ ఏమిటంటే, ఒక సర్వింగ్ కి ఎన్ని గ్రాముల షుగర్ ఉందని అంటున్నారో ఆ సంఖ్యని నాలుగుతో భాగించండి. అంటే ఇరవైని నాలుగు తో భాగిస్తే మనకి వచ్చిన సమాధానం ఐదు. అంటే సర్వింగ్ కి ఐదు టీస్పూన్ల షుగర్ ఉన్నట్లు.
క్యాలరీలు మాత్రమే కౌంట్ చేయకండి, ఇంకా ఏమేమి అందుతున్నాయో కూడా చూడండి. మీరు తీసుకునే ఆహారంలో విటమిన్స్, మినరల్స్, ఫైబర్ అన్నీ ఉండాలి.పూర్తి ధాన్యాలు తీసుకోవడం అలవాటు చేసుకోండి. బ్రౌన్ రైస్, బ్రౌన్ బ్రెడ్, ఓట్మీల్ వంటి వాటిలో ఎక్కువ ఫైబర్, ఎక్కువ న్యూట్రియెంట్స్ ఉంటాయి.
ప్రాసెస్ చేసిన ఫుడ్స్ ని వీలైనంతగా తగ్గించండి. లేదా, తక్కువగా ప్రాసెస్ చేసిన ఫుడ్స్ ని ఎంచుకోండి.మీ ఫుడ్ ని ఎంజాయ్ చేస్తూ తినండి. ఇది చాలా చిన్న విషయంలా అనిపించవచ్చు కానీ, ఎంతో ప్రభావం చూపిస్తుంది. సెల్ ఫోన్ లో చాట్ చేస్తూ, టీవీ చూస్తూ, పని చేసుకుంటూ కాకుండా మీరు తీసుకునే ఆహారాన్ని ఎంజాయ్ చేస్తూ తినడమంటే ఫుడ్ ని గౌరవించినట్లే. మీకు తెలియకుండానే ఇది ఎంతో హెల్ప్ చేస్తుంది.