పాన్ ఇండియా స్టార్ ప్రభాస్ లైనప్లో అత్యంత హైప్ ఉన్న ప్రాజెక్ట్ స్పిరిట్. సందీప్ రెడ్డి వంగా దర్శకత్వంలో తెరకెక్కుతున్న ఈ సినిమా పవర్ఫుల్ కాప్ డ్రామాగా ప్రేక్షకుల ముందుకు రానుంది. ఇప్పుడు ఈ చిత్రానికి సంబంధించిన కీలకమైన లాంగ్ షెడ్యూల్ త్వరలోనే ప్రారంభం కానున్నట్లు సమాచారం.
ఈ షెడ్యూల్లో భారీ యాక్షన్ ఎపిసోడ్స్ను చిత్రీకరించనుండగా, ముఖ్యంగా ప్రభాస్ మరియు విలన్ పాత్రలో నటిస్తున్న వివేక్ ఒబెరాయ్ మధ్య వచ్చే హై-వోల్టేజ్ ఫైట్స్ ప్రధాన ఆకర్షణగా నిలవనున్నాయట. ఈ యాక్షన్ సన్నివేశాల కోసమే దాదాపు రెండు నెలల పాటు సుదీర్ఘంగా షూటింగ్ జరగనుందని తెలుస్తోంది.
ఇక ఈ సినిమాలో హీరోయిన్గా త్రుప్తి దిమ్రి నటిస్తుండగా, ప్రభాస్ లుక్ పక్కా వైల్డ్ అండ్ మాస్ అవతార్లో ఉండబోతోందట. మ్యూజిక్ విషయానికి వస్తే, దర్శకుడు సందీప్ రెడ్డి వంగా ఇప్పటికే తన ఫేవరెట్ మ్యూజిక్ స్టైల్తో సెట్స్ సిద్ధం చేసుకున్నట్లు టాక్.
ఈ భారీ ప్రాజెక్ట్ను టి-సిరీస్ మరియు భద్రకాళి పిక్చర్స్ కలిసి గ్రాండ్ స్కేల్లో నిర్మిస్తున్నాయి. ‘స్పిరిట్’ కథాంశం పూర్తిగా కొత్తగా ఉండబోతుందని, వంగా నుంచి మరో షాకింగ్ అండ్ ఇంటెన్స్ సినిమా రాబోతోందన్న నమ్మకం ఇండస్ట్రీలో బలంగా వినిపిస్తోంది.