మెగా పవర్ స్టార్ రామ్ చరణ్ హీరోగా నటిస్తున్న ‘పెద్ది’ చిత్రం జూన్ 4న ప్రపంచవ్యాప్తంగా గ్రాండ్గా విడుదలకు సిద్ధమవుతోంది. ఈ నేపథ్యంలో సినిమాపై ఆసక్తిని మరింత పెంచే కీలక అప్డేట్ను మేకర్స్ తాజాగా ప్రకటించారు.
అందరూ ఎదురుచూస్తున్న ‘పెద్ది’ ట్రైలర్ను మే 18న విడుదల చేయనున్నట్లు చిత్ర బృందం అధికారికంగా వెల్లడించింది. ఇప్పటికే విడుదలైన గ్లింప్స్, పాటలు సినిమాపై అంచనాలను ఆకాశానికి చేర్చగా, రాబోయే ట్రైలర్ కథకు మరింత స్పష్టత తీసుకొస్తుందని భావిస్తున్నారు. ‘పెద్ది మీ గుండెల్లో నిలిచిపోతుంది’ అంటూ మేకర్స్ ఇస్తున్న హామీ, ఈ చిత్రం చరణ్ కెరీర్లో మరో ఎమోషనల్ మాస్ హిట్గా నిలవనుందన్న నమ్మకాన్ని పెంచుతోంది.
వృద్ధి సినిమాస్ బ్యానర్పై రూపొందుతున్న ఈ చిత్రానికి ఏఆర్ రెహమాన్ సంగీతం ప్రధాన బలంగా నిలవనుంది. చరణ్ ఊర మాస్ లుక్, వినూత్న క్రికెట్ షాట్స్ ఇప్పటికే సోషల్ మీడియాలో వైరల్ అవుతున్నాయి. జాన్వీ కపూర్ హీరోయిన్గా నటిస్తున్న ఈ సినిమాలో శివ రాజ్కుమార్, జగపతి బాబు, దివ్యేందు శర్మ తదితరులు కీలక పాత్రల్లో కనిపించనున్నారు.
