న్యాచురల్ స్టార్ నాని కెరీర్లోనే అత్యంత భారీ బడ్జెట్తో, రా యాక్షన్ డ్రామాగా తెరకెక్కుతున్న The Paradise పై అంచనాలు నెక్స్ట్ లెవెల్లో ఉన్నాయి. మోహన్ బాబు కీలక పాత్రలో కనిపిస్తున్న ఈ సినిమాను ఆగస్ట్ 21న విడుదల చేయాలని మేకర్స్ పక్కా ప్లానింగ్తో ముందుకెళ్తున్నారు. అయితే, టాలీవుడ్లో ఇటీవల చోటుచేసుకున్న కొన్ని పరిణామాలు ఇప్పుడు ఈ చిత్ర బృందాన్ని మరింత అలర్ట్ చేశాయి.
ఇటీవల రిలీజైన Peddi ట్రైలర్కు ఊహించినంత పాజిటివ్ బజ్ రాకపోవడం, అలాగే Dragon గ్లింప్స్పై సోషల్ మీడియాలో సాగిన మిక్స్డ్ చర్చలు ఇండస్ట్రీలో హాట్ టాపిక్గా మారాయి. కొన్ని విజువల్స్ ‘సలార్’, ‘కేజీఎఫ్’ తరహాలో ఉన్నాయంటూ నెటిజన్లు అభిప్రాయాలు వ్యక్తం చేయడంతో, హైప్పై స్వల్ప ప్రభావం కనిపించింది. ఈ మొత్తం సన్నివేశాన్ని ‘ది ప్యారడైజ్’ టీమ్ చాలా జాగ్రత్తగా గమనిస్తున్నట్లు తెలుస్తోంది.
ఇప్పటివరకు విడుదలైన ‘ఆయా షేర్’ పాట మంచి రెస్పాన్స్ తెచ్చుకున్నప్పటికీ, ఇకపై రిలీజ్ చేసే ప్రతి కంటెంట్ కీలకమే అని మేకర్స్ భావిస్తున్నారు. అనిరుధ్ రవిచందర్ అందించబోయే మిగిలిన పాటలు, అలాగే టీజర్, ట్రైలర్ విషయంలో ఎలాంటి రిస్క్ తీసుకోకుండా పక్కా ప్లానింగ్తో ముందుకెళ్లాలని నిర్ణయించుకున్నారట. ముఖ్యంగా తెలుగు ప్రేక్షకులతో పాటు నార్త్ మార్కెట్ను కూడా టార్గెట్ చేస్తూ, ప్రమోషనల్ స్ట్రాటజీని మరింత షార్ప్ చేయాలని చూస్తున్నారు.
మొత్తానికి, ఇటీవల సినిమాలపై వచ్చిన రియాక్షన్ల నుంచి పాఠాలు నేర్చుకుంటూ, ‘ది ప్యారడైజ్’ టీమ్ ఒక్కో అడుగు చాలా ఆలోచించి వేస్తోంది. ఈ అలర్ట్ అప్రోచ్ చివరికి సినిమాకు ఎంతవరకు ప్లస్ అవుతుందో చూడాలి.