మ్యాన్ ఆఫ్ మాసెస్ ఎన్టీఆర్ ప్రస్తుతం చేస్తున్న సెన్సేషనల్ ప్రాజెక్ట్ ‘డ్రాగన్’పై భారీ అంచనాలు నెలకొన్నాయి. ఈ సినిమా తర్వాత తారక్ లైనప్లో మరికొన్ని భారీ చిత్రాలు ఉన్నాయన్న సంగతి తెలిసిందే. వాటిలో ఒకటిగా ఎప్పటినుంచో వినిపిస్తున్న ప్రాజెక్ట్ ‘దేవర 2’ (Devara 2). దర్శకుడు కొరటాల శివ ఈ సీక్వెల్కు సంబంధించిన స్క్రిప్ట్ పనులు కూడా పూర్తి చేశారని గతంలో టీమ్ నుంచి క్లారిటీ వచ్చింది. అయినప్పటికీ, ఈ సినిమా నిజంగా పట్టాలెక్కుతుందా లేదా అన్న సందేహం మాత్రం పూర్తిగా తీరలేదు.
ఇదిలా ఉండగా, తాజాగా ఎన్టీఆర్ పుట్టినరోజు సందర్భంగా ‘దేవర’ నిర్మాణ సంస్థ ఆయనకు బర్త్డే విషెస్ తెలియజేసింది. కానీ అందులో ‘దేవర 2’కు సంబంధించిన ఎలాంటి హింట్ ఇవ్వకపోవడం గమనార్హం. అంతేకాదు, కొద్దిరోజుల క్రితం జాన్వీ కపూర్ పుట్టినరోజుకు విషెస్ చెప్పిన అదే ‘దేవర’ సోషల్ మీడియా హ్యాండిల్ నుంచి తారక్కు మాత్రం ప్రత్యేకంగా పోస్టు లేకపోవడం చర్చకు దారి తీసింది.
ఈ చిన్న చిన్న సంకేతాలన్నీ కలిపి చూస్తే, ‘దేవర 2’ ప్రస్తుతం హోల్డ్లో ఉందా? లేక అసలు ఆ ప్రాజెక్ట్ ముందుకు వెళ్లే ఛాన్స్ లేదానా? అనే ప్రశ్నలు మళ్లీ మొదలయ్యాయి. అధికారిక ప్రకటన వచ్చే వరకు ఈ సస్పెన్స్ అలాగే కొనసాగనుంది.