నేషనల్ క్రష్ రష్మిక మందన్న (Rashmika) తన గ్లామర్ లుక్స్, సినిమాలు, వ్యక్తిగత జీవితం కారణంగా తరచూ వార్తల్లో నిలుస్తుంటుంది. ఇటీవల విజయ్ దేవరకొండతో వివాహం తర్వాత ఆమె పేరు మరింతగా హాట్ టాపిక్ అయింది. సాధారణంగా వివాదాలకు దూరంగా ఉండే రష్మిక, తాజాగా స్టేజీపై నోటి నుంచి జారిన ఓ మాటతో సోషల్ మీడియాలో ట్రోలింగ్కు గురైంది.
బాలీవుడ్లో ఆమె నటిస్తున్న లేటెస్ట్ మూవీ ‘కాక్టైల్-2’ ప్రమోషన్స్లో రష్మిక పాల్గొంది. ఈ ఈవెంట్కు షాహిద్ కపూర్, కృతి సనన్ కూడా హాజరయ్యారు. ఈ సందర్భంగా కృతి సనన్ గురించి మాట్లాడుతూ రష్మిక అనుకోకుండా ఓ అభ్యంతరకర పదాన్ని ఉపయోగించింది. కృతి చాలా హాట్గా ఉంటుందని చెప్పే క్రమంలో ఆమె నోటి నుంచి ఆ పదం జారింది. దీంతో అక్కడ ఉన్నవారు ఒక్కసారిగా షాక్ అయ్యారు.
వెంటనే పరిస్థితిని అర్థం చేసుకున్న రష్మిక, ఆ మాటను సెన్సార్ చేయాలని అక్కడున్న మీడియాను కోరింది. అయినా ఆ క్షణానికి సంబంధించిన వీడియో ఇప్పుడు నెట్టింట వైరల్ అవుతోంది. దీంతో నెటిజన్లు రష్మికపై విమర్శలు గుప్పిస్తున్నారు. సెలబ్రిటీలుగా స్టేజీపై మాట్లాడేటప్పుడు జాగ్రత్త అవసరమని పలువురు కామెంట్స్ చేస్తున్నారు.
ఇప్పటికే ఈ అంశం సోషల్ మీడియాలో చర్చనీయాంశంగా మారింది. మరి దీనిపై రష్మిక మందన్న ఎలాంటి స్పందన ఇస్తుందో చూడాలి.