సెన్సేషనల్ స్టార్ విజయ్ దేవరకొండ ప్రస్తుతం వరుసగా భారీ సినిమాలతో బిజీగా ఉన్న సంగతి తెలిసిందే. ఆయన నుంచి రాబోయే గ్రాండ్ స్కేల్ ప్రాజెక్ట్స్గా ‘రణబాలి’, ‘రౌడీ జనార్ధన’ ఇప్పటికే భారీ అంచనాలు క్రియేట్ చేస్తున్నాయి. వీటితో పాటు ‘హాయ్ నాన్న’ దర్శకుడు **శౌర్యువ్**తో మరో క్రేజీ ప్రాజెక్ట్ను కూడా విజయ్ లాక్ చేసినట్టు సమాచారం.
ఈ సినిమాకి మరింత వెయిట్ తీసుకొచ్చే అంశం ఏంటంటే, ఈ ప్రాజెక్ట్ కోసం హాలీవుడ్ టెక్నికల్ టీమ్తో కలిసి పని చేయడం. దీనితో సినిమా స్కేల్, ప్రొడక్షన్ విలువలు అంతర్జాతీయ స్థాయిలో ఉండనున్నాయనే టాక్ బలంగా వినిపిస్తోంది.
ఇక ఈ ప్రాజెక్ట్ గురించి తాజాగా ఓ ఇంట్రెస్టింగ్ బజ్ నెట్టింట చక్కర్లు కొడుతోంది. దర్శకుడు ఇప్పటికే విజయ్ సరసన హీరోయిన్ను ఫైనల్ చేసినట్టు తెలుస్తోంది. బాలీవుడ్తో పాటు టాలీవుడ్లో కూడా మంచి గుర్తింపు తెచ్చుకున్న బ్యూటీ కృతి సనన్ ఈ సినిమాలో హీరోయిన్గా ఫిక్స్ అయ్యిందన్న వార్తలు బాలీవుడ్ వర్గాల్లో హాట్ టాపిక్గా మారాయి. అయితే దీనిపై అధికారిక క్లారిటీ రావాల్సి ఉంది.
ఈ చిత్రానికి సంగీతం హీశం అబ్దుల్ వాహబ్ అందించనుండగా, వైరా ఎంటర్టైన్మెంట్స్ బ్యానర్పై ఈ భారీ ప్రాజెక్ట్ రూపొందనుంది. హీరోయిన్ కన్ఫర్మేషన్తో ఈ సినిమా హైప్ మరింత పెరగడం ఖాయం.