యువ నటుడు సందీప్ కిషన్ హీరోగా వర్ష బొల్లమ్మ హీరోయిన్ గా విఐ ఆనంద్ దర్శకత్వంలో తెరకెక్కుతున్న లేటెస్ట్ యాక్షన్ థ్రిల్లింగ్ సినిమా ఊరు పేరు భైరవకోన. వాస్తవానికి ఈ పాటికే రిలీజ్ కావాల్సిన ఈ సినిమా విఎఫ్ఎక్స్ వర్క్ ఆలస్యం కారణంగా ఫిబ్రవరి 9 కి రిలీజ్ వాయిదా పడిన విషయం అందరికి తెలిసిందే.
విషయం ఏమిటంటే, ఈ సినిమా యొక్క ట్రైలర్ ని రేపు ఉదయం 10 గం. ల నుండి హైదరాబాద్ లోని ఏఎంబి సినిమాస్ లో ఈవెంట్ లో భాగంగా గ్రాండ్ గా రిలీజ్ చేయనున్నట్లు మేకర్స్ కొద్దిసేపటి క్రితం ఒక పోస్టర్ ద్వారా తెలియచేసారు .
కావ్య థాపర్, హర్ష చెముడు, వెన్నెల కిషోర్, ఖుషీ రవి తదితరులు కీలక పాత్రలు చేస్తున్న ఈ సినిమా ని ఏకే ఎంటర్టైన్మెంట్స్, హాస్య మూవీస్ సంస్థల పై అనిల్ సుంకర గ్రాండ్ గా నిర్మిస్తుండగా శేఖర్ చంద్ర సంగీతం అందిస్తున్నారు. మరి అందరిలో మంచి అంచనాలు ఏర్పరిచిన ఊరి పేరు భైరవకోన సినిమా ఫిబ్రవరి 9న రిలీజ్ అనంతరం ఏ స్థాయి సక్సెస్ ని సొంతం చేసుకుంటుందో చూడాలి.
